VOV4.Sêdang - A tíu xiâm Đảng, pôa Nguyễn Phú Trọng, Kăn xiâm pơkuâ hnê ngăn Đảng hiăng pơkuâ Hneăng hôp lâp tơnêi têa tơdroăng hbrâ mơdât kâ kơhveăm liăn ngân.

Xông tơpui pơxiâm po hneăng hôp, pôa Nguyễn Phú Trọng, Kăn xiâm pơkuâ hnê ngăn Đảng, Kăn pơkuâ hnê mơhno tơnêi têa hbrâ mơdât kâ kơhveăm liăn ngân tối ăm ‘nâi, hneăng hôp lâp tơnêi têa roh kố ôh tá xê to mơnhên tơdroăng châ tơ-[rê Hneăng hôp 12 troh nôkố, troăng pêi troh mơ’nui hneăng, mê ối pơxúa trâu hơngế tâ cho hvái ngăn 5 hơnăm sap ing mơjiâng Khu hnê mơhno Tơnêi têa ‘na hbrâ mơdât kâ kơhveăm liăn ngân, hvái ngăn mâu tơdroăng pá puât, tá hâi rơkê, ăm tơ’nôm mâu [ai hriâm ki rơkê vâ la ngiâ ôh tá xê to pơtối rak mê thăm mơnhông roh tơplâ mơdât khu lêng ‘mêi kố dế hneăng ki kal [a\ kơtăng.

Klêi kơ’nâi 2 hơnăm tơdế ing Hneăng hôp 12, ai vâ chê 1.300 ngế đảng viên tro pơxâu phâk kơtăng xua kâ kơhveăm liăn ngân [a\ mơhno\ng pro tơ-ê. 52 roh tơdroăng xôi, 33 roh tơdroăng kâ kơhveăm liăn ngân, cheăng kâ ki ôh tá le\m tro, tơvâ tơvân ối tung Khu hnê mơhno xiâm tơnêi têa ‘na hbrâ mơdât kâ kơhveăm liăn ngân séa ngăn, mơhnhôk hiăng châ tơleăng.

Tối ‘na hnoăng cheăng hbrâ mơdât kâ kơluâ tung pơla hdrối kố nah, pôa Hà Văn Quang, tôh kơpho# 1, bêng Hội Thương, pơlê kong kơdrâm Plei Ku, kong pơlê Gia Lai tối tiah kố, tung pơla hdrối kố nah, Đảng pin hiăng mơeăm kơtăng khât tung tơdroăng ki hbrâ mơdât kâ kơluâ. Tơdroăng ki pơxâu phâk kơtăng hên ngế kăn [o#, Đảng viên ki pro xôi, ôh ti xê kum pro krúa ăm khu tơru\m Đảng mê ối xo tơdroăng ki loi tơngah dêi kuăn pơlê [ă Đảng.

‘’Pơchuât hlá tơbeăng, [ă tâng tơdroăng ki tối tơbleăng tơdroăng kal tung um tivi, á hlo Đảng hiăng ai tơdroăng ki hơ’lêh khât tâng vâ pơchông [ă hneăng cheăng hdrối. Đảng pin hiăng tơmâng ngăn tâ troh tơdroăg ki kâ kơluâ. Tung hneăng hơnăm ki kố, á tơmiât gá cho kal khât pro krúa khu xiâm pơkuâ ngăn tơnêi têa [ă Đảng. Á sôk ro tơdroăng ki pêi pro dêi Đảng. Mâu tơdroăng ki ê hiăng kum tung la ngiâ kô châ xo tơdroăng ki loi tơngah dêi kuăn pơlê [ă Đảng’’.

A Sa Ly tơplôu [a\ tơbleăng