VOV4.Sêdang - Kơxo lơ 8/10, a tơring Châu Thành, kong pơlê Tây Ninh, pôa Nguyễn Trọng Nghĩa, Kăn pơkuâ hnê ngăn cheăng Đảng tơnêi têa, Kăn xiâm pơkuâ tơdroăng loi tĭng tiô khôp Tơnêi têa, kăn teăng mâ Kuô̆k hô̆i Tây Ninh ai roh trâm mâ kuăn pơlê tung kong pơlê ahdrối hneăng hôp má 2, Kuô̆k hô̆i hneăng má XV. A roh trâm mâ, kăn teăng mâ Kuô̆k hô̆i Hoàng Thị Thanh Thúy, Kăn phŏ pơkuâ kăn teăng mâ Kuô̆k hô̆i Tây Ninh tối ‘na tơdroăng hbrâ, mơdât pơreăng COVID-19 tung kong pơlê.

Pơtối mê, a Tây Ninh, pơreăng COVID-19 hiăng châ mơdât tơniăn, kơxô̆ mơngế tro tâ tung pơlê pơla xuân u ối; Nôkố kong pơlê dế thăm pâk vaccine, pêi pro tơtro mâu troăng hơlâ tŏng kum, mâu troăng tŏng kum khu tê mơdró vêh mơjiâng tơmeăm khoăng ƀă hía hé. Kuăn pơlê pơkâ thế kal thăm pơtâng tối, vâ kuăn pơlê hlo nhên tơdroăng ki râ ó dêi pơreăng ƀă hlê plĕng tâ. Tung tơdroăng tŏng kum mâu ngế ki tro tơdjâk dêi COVID-19 mê kal po rơdâ tâ, kal mơhnhôk pơlê pơla tung tơdroăng rôe vaccine vâ rĕng mơjiâng tơmeăm ƀă hía hé.

A Sa Ly tơplôu [ă tơbleăng