VOV4.Sêdang - Kơxê lơ 21/10, a Tíu xiâm rơ’jíu tơnêi têa 58 Quán sứ, Hà Nội, pôa Đỗ Tiến Sỹ, Kăn cheăng tung tíu xiâm Đảng, Kăn xiâm pơkuâ Rơ’jíu Việt Nam hiăng tơdah pôa Vũ Quang Minh, Ngế xiâm phŏ tơpui kâ ƀă kong têa ê,  Kăn pơkuâ xiâm Kơ koan teăng mâ Việt Nam a kong têa ê pơkuâ xiâm, troh lăm pôu ƀă pêi cheăng. A roh pêi cheăng, pôa Đỗ Tiến Sỹ rơkâu mâu Kăn xiâm pơkuâ kơ koan teăng mâ Việt Nam a kong têa ê châ rah xo to pro kăn pêi tơdroăng cheăng ki kal.

Pôa Đỗ Tiến Sỹ xuân hiăng tơbleăng tối ‘na Rơ’jíu Việt Nam, ‘na tơdroăng tơrŭm pơla Rơ’jíu Việt Nam ƀă Khu xiâm tơpui kâ, mâu Kơ koan teăng mâ ƀă Kăn pơkuâ kơ koan teăng mâ Việt Nam a mâu kong têa ê pêi tơdroăng pơtâng tối tơdroăng kal. Tung la ngiâ, Rơ’jíu Việt Nam pói vâ châ tơrŭm cheăng krá tơniăn tâ ƀă mâu kơ koan teăng mâ Việt Nam a kong têa ê tung tơdroăng pêi pro mâu pơkâ pêi tơpui kâ ƀă kong têa ê vâ tơbleăng trâu hơngế um méa tơnêi têa, kuăn mơngế Việt Nam lo lâp plâi tơnêi, xuân môi tiah po rơdâ tơrŭm cheăng ƀă mâu khu tơrŭm cheăng kong têa ê tung kơvâ rơ’jíu, um tơvi.

A Sa Ly tơplôu ƀă tơbleăng