Ngoh  K’Giang, tối klêi kơ’nâi hriâm klêi khoa Luât Đăi hok Đà Lạt, la ngoh mơhno\ng vâ vêh dêi a pơlê pêi cheăng. A cheăm Mỹ Đức, đoân viên tung 124 ngế, tung mê ai hdroâng kuăn ngo xiâm a pơlê kong kơdrâm cho 34 ngế. Sôk ro xua đoân viên hên, la xuân ai tơdroăng ki tôu tuăn mê cho ki hên mâu đoân viên ôh tá troh hngêi trung mê athế pêi dêi chiâk deăng, pêt loăng păn hdrong kum rơpo\ng hngê mê ai mâu rôh trâm mâ chi đoân a mâu thôn, pơlê, đoân viên xuân ôh tá ai mâ.

Tiah mê, lối môi hơnăm hiăng luâ, K’Giang hiăng tơmiât [ă pêi klâi ‘na mâu tơdroăng ki mê? Tiâ rơkong kơ-êng dêi ngin, K’Giang tối:

Á mơeăm tơpui gá tro tiô tơdrá dêi mơngế Xuăn drêng tơpui [ă vâi [ă mâu đoân viên [ă drêng tối tơbleăng tơdroăng pơkâ thế tung mâu rôh hôp vâ mâu vâi pú tơ’lêi hmâng, tơ’lêi ‘nâi. Tơdroăng kố môi tiah gá tơ’lêi, la pin athế kơhnâ khât yă.

Pơtối mê, K’Giang tơmiât troh tơdroăng ki mơjiâng môi túa pơkâ kum hok tro mơngế Mạ tung tơdroăng ki hriâm tâp [ă hriâm pât, môi túa pêi ki nếo a tơring Dă Teh.

Pêi pro túa pơkâ, K’Giang hiăng troh rêm hngêi mơhnhôk rơpo\ng pôi tá ăm mâu vâi o pơtê hriâm. Tơ’lêi [ă ngoh cho tơpui [ă hdroâng kuăn ngo tơná, hdroâng kuăn ngo tơ’lêi hmâng, tơ’lêi ‘nâi. Klêi kơ’nâi 2 hơnăm kố, Mỹ Đức ôh tá ai xếo vâi hdrêng lo pơtê hriâm.

K’Giang trâm mâu thái, cô, xing xoăng môi măng t^ng môi hdroh a kong măng hâi 5 vâ rơbot [ai ăm mâu vâi o. Tơdroăng pêi kố châ nôu pâ hok tro môi tuăn khât.

Krê xêh K’Giang, rêm măng t^ng 3 hdrôh a kong măng, troh [ă mâu rơpo\ng vâ tơpui tơno, [ă mâu vâi o ‘na tơdroăng ki hriâm tâp, hơ’muăn tối ‘na khôi túa ton nah dêi hdroâng kuăn ngo Việt Nam, tung tơdroăng ton nah lối rơpâu hơnăm, mâu hdroâng kuăn ngo hiăng tơru\m rak vế [ă mơjiâng tơnêi têa, tung mê ai hdroâng kuăn ngo Mạ, K’ho dêi tơná. Tơdroăng hơ’muăn tối ‘na khôi túa ton nah vâ hnê tơ’nôm tuăn hiâm pâ nhuo#m tơnêi têa, pâ nhuo#m pơlê xiâm, tuăn hiâm hâk tơngăm hdroâng kuăn ngo ăm mâu vâi o.

(1 ảnh)

K'Giang: Chêm Hling  dêi kong ngo Peăng mâ hâi lu Tây Nguyên

Pái khế môi hdroh, K’Giang trâm mâ mâu vâi o kong măng hâi tơdrốu vâ tơku\m po mâu tơdroăng ki xah hêi tiô khôi vâi krâ nah môi tiah kluo#p ngiâ tăng rup, pâng mâ tô hơkâ, hdruê xuâng [ă hên ki ê.

K’Giang troh [ă mâu vâi o [ă tuăn hiâm ki pâ nhuo#m dêi môi ngế ngoh tung rơpo\ng hngêi. {ă tơdroăng pâ ki mê hiăng pro hơ’lêh mâu vâi o hên khât. Klêi kơ’nâi môi rôh hriâm, lối môi chât ngế o hriâm ki lol hiăng mơeăm hriâm chía rơkê.

Tơdroăng cheăng dêi mâu vâi o ối tung tơdroăng ‘’Bâ eăng tơdroăng tơmiât ăm hok tro kơpong hdroâng kuăn ngo’’ xua ko\ng an tơring Dă Teh pơkâ, K’Giang hlá cho ngế ngế ki hnê dêi tơdroăng hlá cho ngế ki pêi pro tơdrêng hlối. Sap ing tơdroăng ki hnê dêi K’Giang, mâu vâi o tung pơlê hiăng ‘nâi hbrâ rơnáu xêh tung hriâm tâp a kơxê măng, ôh tá tơku\m xah hêi a troăng, a k^ng têa môi tiah hdrối nah xếo. Hâi ki lâi ôh tá châ troh, ngoh tâl chôu pâ, rơhêng vâ troh hâi lăm troh a Mỹ Đức [ă mâu vâi o ku\n pâ nhuo#m dêi ngoh.

{ă mâu hnoăng cheăng đoân droh rơtăm, rêm rôh xah hêi, ngoh đi đo to\ng kum tơdroăng ki tối tơbleăng troăng hơlâ dêi đảng, luât dêi tơnêi têa. Tối tơbleăng tơdroăng ki rak ngăn kong, rak ngăn knho\ng têa krúa, rak ngăn kế tơmeăm ki mơhno túa le\m tro hdroâng kuăn ngo. Mâu rôh tơ’noăng xua Khu pơkuâ ngăn đoân tơring tơku\m po, Đoân droh rơtăm cheăm Mỹ Đức pơrá veăng tu\m, kơtâu, mơd^ng tơ’noăng kăn [o# đoân ki rơkê ple\ng. Đoân cheăm Mỹ Đức pơrá châ kâ prí.

Troh nôkố, túa pơkâ ki K’Giang pêi hiăng châ mâu thôn, pơlê hdroâng kuăn ngo tung tơring Dă Teh xúa [ă châ tơ-[rê. Ôh tá ai xếo tơdroăng ki mâu droh rơtăm tơku\m dêi rơpó a kong măng a k^ng troăng xah hêi. Hên ngế ki hbrâ kơchăng pơchuât hlá tơbeăng, pơchuât hlá mơéa, ngăn tivi vâ mơdêk ki hlê ple\ng.

Mâu tơdroăng Ki K’Giang hiăng pêi châ kăn pơkuâ rêm râ mơnhên tối khât. Pôa Nguyễn Dũng, kăn pho\ hnê ngăn Vi [an cheăm Mỹ Đức, tối: K’Giang môi tiah ngế thái rơkê, hnê nâp xuăn ăm mâu vâi o sap ing 8 troh 12 hơnăm, ki tá hâi ‘nâi, mê nôkố hiăng chía hlê. Ngoh ối hnê mâu vâi o pro toăn. [ai ki lâi tơpá, ngoh krếo phôn kơnôm cô hnê ăm. K’Giang ngăn kố cho tơdroăng ki sô ro dêi tơná.

Pôa K’Tỏi, krâ pơlê a cheăm Mỹ Đức, tối tiah kố: K’Giang cho kăn [o# dêi Pôa Hồ. Gá rơtế [ă to lâi ngế cô hnê tơ’nôm chư ăm mâu hdrêng. Gá rơtế [ă kăn [o# cheăm hnê pơlê pôi tá chôu kong pro chiâk deăng, pôi tá lăm lúa kuăn kiâ kong. Pơlê cheăm hiăng hmâng gá [ă mâu kăn [o#.

Nôkố K’Giang rơtế [ă péa ngế kuăn kơdrâi rêh ối tơdjuôm [ă nôu dêi ngoh. Tâi chôu pêi cheăng, ngoh rơtế [ă kơdrâi rak ngăn lối 2 ha kloăng hôt [ă kơdrum loăng plâu kâ dêi rơpo\ng. Ngoh xuân ôh tá la lâi pơtê xúa khoa hok kih thua#t vâ rak ngăn kơdrum loăng ăm châ tơ-[rê.

Hơnăm kố, K’Giang hiăng luâ 30 hơnăm. Ngoh hiăng sôk ro châ mot Đảng sap ing hơnăm 2016. Vâi krâ nho\ng o pơtih ngoh môi tiah kuăn chêm Hling dêi kong ngo peăng hdroh Tây Nguyên, túa chêm ki ôh tá rêh môi ngế. Túa chêm ki ku\m ôh ai mơngiơk le\m la idrâp chuât a kong ngo ki le\m, pro sôk ro troh mâu pơlê cheăm [ă troh a rêm ngế.

Nguyễn Thanh Hương chêh

Katarina Nga tơplôu [ă tơbleăng