VOV4.Sêdang - Hlo ôh tá tơniăn xua pơtối ối tâ tú ó dêi pơreăng COVID-19 tung lâp plâi tơnêi, Chin phuh hiăng tơbleăng tơdroăng “tơpui ‘na vaccine” rĕng tơdrêng, tâi tâng, kơhnâ vâ ai vaccine hên má môi ƀă rĕng má môi vâ po rơdâ pâk ăm tung lâp tơnêi têa. Tiô pôa Nguyễn Minh Vũ, kăn phŏ tơpui kâ tối, tung la ngiâ, Việt Nam kô mơdêk tơpui tơno ‘na vaccine ƀă châ pâk pái trum, tơdrêng amê hnối tí tăng hên tíu ki châ xúa pơkeăng pơlât COVID-19. Pôa Nguyễn Minh Vũ tối tiah kố: nôkố, tơdroăng cheăng tung la ngiâ ‘na vaccine ƀă “tơpui kâ ‘na vaccine” hiăng châ tơbleăng tơtro, kơhnâ a hên râ ki phá tơ-ê dêi rơpó, malối cho a râ ki hên.

Pôa Nguyễn Minh Vũ ăm ‘nâi: Tiô tối hdrối tung khế 9 ƀă khế 10/2021, Việt Nam kô ai tơ’nôm 30 rơtuh klŏng vaccine. Krê tung khế 9/2021 kô ai 16 – 17 rơtuh klŏng troh Việt Nam sap ing mâu tíu ki phá tơ-ê dêi rơpó.

Katarina Nga tơplôu ƀă tơbleăng