VOV4.Sêdang - Hlo rế rơ-iô  ki tâ tú dêi pơreăng COVID-19 ƀă hên ngế tâ tú tung kuăn pơlê a Dak Lak, kơxo lơ 27/10 khu ƀok thái pơkeăng dêi Hngêi pơkeăng Chợ Rẫy hiăng troh a Dak Lak vâ kum plâ mơdât pơreăng COVID-19.

Tung kơxo ki apoăng drêng troh a Dak Lak, khu ƀok thái pơkeăng dêi hngêi pơkeăng Chợ Rẫy ai pêi cheăng ƀă kăn hnê ngăn ƀă mâu ƀok thái pơkeăng dêi hngêi pơkeăng Đa khoa kơpong Tây Nguyên, klêi mê lăm ngăn Khoa Cấp cứu hồi sức mơdât trếo ‘mêi, ƀă khu hngêi E, cho tíu ki hbrâ vâ chiâng Tíu  pơlât mâu ngế tâ COVID-19 ki râ má 2 ƀă má 3 ƀă tíu dế pơlât mâu ngế tâ COVID-19 râ má 3.

Khu ƀok thái pơkeăng hngêi pơkeăng Chợ rẫy Pơlê kong kân Hồ Chí Minh kum Dak Lak plâ mơdât pơreăng COVID-19

Klêi mê, mâu ƀok thái pơkeăng, mâu ngế điều dưỡng dêi Hngêi pơkeăng Chợ Rẫy pơtối ối ‘nôi tơ’nôm 1 pơla măng tĭng vâ veăng kum kong pơlê Dak Lak tung hbrâ mơdât pơreăng ƀă hlối rak ngăn, pơlât mâu ngế tâ COVID-19. Tiô Khu xiâm ngăn pơkeăng kong pơlê Dak Lak riân tối, troh kơxo hâi lơ 27/10, kong pơlê hiăng ai 3 rơpâu 479 ngế tâ COVID -19, tung mê dế pơlât 1.436 ngế.

Gương tơplôu ƀă tơbleăng