VOV4.Sêdang -Vaccine hbrâ mơdât COVID-19 dế troh a Việt Nam ƀă dế troh hên, la hên túa. Khu xiâm ngăn pơkeăng pơlât kal thế xing xoăng tơtro ăm tơrêm kong pơlê vâ tơniăn tiô pơkâ pâk rĕng má môi tâng chiâng, malối a mâu kong pơlê Miền Tây ƀă kơpong Tây Nguyên tíu ki dế hlo tâ tú hên ƀă rơ-iô. Kố cho môi tung mâu tơdroăng ki kal ki khu hnê mơhno dêi tơnêi têa ‘na hbrâ mơdât pơreăng COVID-19 tối nhên a rôh hôp kơxo lơ 3/11 a tíu pêi cheăng Chin phuh, tơpui tơdroăng pêi pro vâ hbrâ ví tơ-ƀrê ƀă pơreăng COVID-19.

Pôa Vũ Đức Đam, ngế pro xiâm phŏ hnê ngăn tơnei têa, Ngế xiâm phŏ hnê mơhno tơdroăng cheăng dêi tơnêi têa pơkuâ hneăng hôp. Tiô pôa Vũ Đức Đam, troăng rơhlâ pêi pro tâi tâng mê ƀă mâu tơdroăng pêi pro ki nếo kô châ pêi pro tung la ngiâ drêng kơxô̆ vaccine châ pâk lâp lu. Tung pơla nôkố xuân kal pêi mâu pơkâ mơdât, hdró kơpong, klâ krê, pêi pro rơkê ƀĕng ƀeăng ƀă hâi tah lôi khât tơdroăng klâ kơtăn pơlê pơla tiô pơkâ 16.

Gương tơplôu ƀă tơbleăng