VOV4.Sêdang - Kơxêi hâi lơ 11 khế 9, khu kăn cheăng kơxo# 2 dêi Khu hnê mơhno xiâm Tơnêi têa ‘na hbrâ mơdât kâ kơhveăm liăn ngân hiăng ai roh pêi cheăng [a\ kong pơlê Lâm Đồng ‘na séa ngăn, mơhnhôk hbrâ mơdât kâ kơhveăm liăn ngân a kong pơlê. Xông tơpui a roh pêi cheăng, poâ Phan Đình Trạc, kăn cheăng tung Tíu xiâm Đảng, kăn pho\ pơkuâ ‘na hbrâ mơdât kâ kơhveăm liăn ngân, mơ’nhiê liăn ngân dêi kong pơlê Lâm Đồng tối, tung pơla kố nah hiăng pêi pro tơtro tung hbrâ mơdât [a\ tơleăng kơtăng. Laga, vâ hbrâ mơdât tơdroăng kâ kơhveăm liăn ngân a kong pơlê Lâm Đồng châ tơ-[rê hên tâ tung la ngiâ, poâ Phan Đình Trạc pơchân kong pơlê Lâm Đồng kal pơtối mơnhông mâu tơdroăng châ tơ-[rê hôm, thăm pơkuâ – hnê mơhno, ki má lối tung hbrâ mơdât kâ kơhveăm liăn ngân: Pêi pro tơdroăng hbrâ mơdât, apoăng thế tơdrăng tung tơdroăng pêi cheăng dêi kơ koan, khu cheăng, mâu tíu cheăng [a\ tung pơkuâ pêi lo liăn dêi mâu kăn [o#. Pơtối mơjiâng mâu pơkâ ‘na pơkuâ cheăng kâ – rêh ối pơlê pơla tung kong pơlê, ki nhên mâu tơdroăng pơkâ dêi Tơnêi têa. ‘Na tơleăng thế châ 4 tơdroăng pơkâ: teăm tơdrêng, kơtăng, tơtro tiô pơkâ dêi luât, kum tung hnoăng cheăng kal kí dêi kong pơlê [a\ dêi lâp tơnêi têa.

A Sa Ly tơplôu [ă tơbleăng