VOV4.Sêdang - Khu kăn Kuo#k ho#i kong pơlê Dak Lak hiăng ai rôh trâm mâ kuăn pơlê cheăm {uôn Triết, tơring Lak cheăm Ea Trang, tơring MDrak [ă cheăm Ea Sar, tơring Ea Kar.

A mâu tíu trâm mâ, kuăn pơlê tối, loi tơngah, sôk ro hlo mâu tơdroăng to\ng kum dêi Đảng, Chin phuh tung tung tơdroăng ki hbrâ mơdât kâ kơluâ, kâ kơhveăm liăn ngân, mâu tơdroăng ki hơ’lêh tung mâu rôh kơ-êng [ă tiâ mơnhên a rôh hôp dêi Kuo#k ho#i, tơdrêng a mê xuân tối hên mâu rơkong tơpui tối, pâ thế ki ai tơdjâk troh tơdroăng cheăng kâ rêh ối pơlê pơla, gâk kring pơlê pơla cheăm bêng dêi tơnêi têa, kong pơlê môi tiah: kal ai troăng hơlâ tơtro ‘na hnê hriâm kuăn ‘ne\ng hdroâng kuăn ngo, tơdroăng ki kếo ko loăng xuân ối hlo ôh tá tơniăn, tơdroăng ki ‘no liăn cheăng, mơjiâng troăng prôk tung thôn pơlê vâ pro tơ’lêi hlâu ăm tơdroăng ki prôk lăm, tê mơdró dêi kuăn pơlê, hên sinh viên drêng lo ing hngêi trung tá hâi ai cheăng pêi [ă hên tơdroăng ki ê.

Khu kăn Kuo#k ho#i hiăng ai rôh trâm mâ kuăn pơlê a cheăm Mỹ Đức, tơring Da Teh [ă kuăn pơlê cheăm Dạ Mri, tơring Dạ Huoai, kong pơlê Lâm Đồng.

Kuăn pơlê pâ thế mâu tơdroăng môi tiah: Pro mơnhên ‘na pro hngêi ối ăm rơpo\ng kơtiê, mâu ngế ai hnoăng tơnêi têa ki ối kơtiê, mâu tơdroăng ki ối tơvâ tơvân ‘na kâng rơchôa a tơring cheăm thế re\ng pêi, mâu tơdroăng cheăng tơkâ luâ xahpá, séa ngăn, vế hdró pro ăm nếo hlá mơ-éa rak xúa tơnêi ăm kuăn pơlê a mâu tơring cheăm, ‘na rak tơniăn hyôh kong prâi a thôn pơlê tơdjâk troh tơdroăng mơjiâng pro tíu ki vâ pro pơhía lôi xok tiô troăng hơlâ pơkâ dêi kong pơlê tung la ngiâ, tơdroăng rk ngăn rơxế ki hiăng ton, chơ tơmeăm lối hên, tơdroăng pơkâ tơ’mot, tăng cheăng pêi ăm mâu sinh viên hdroâng kuăn ngo.

Gương prế Katarina Nga tơplôu [a\ tơbleăng