VOV4.Sêdang - Pơtối tơdroăng hneăng hôp má 2, Kuô̆k hô̆i hneăng má 15, kơxo lơ 26/10, Khu kăn Kuô̆k hô̆i kong pơlê Dak Lak hiăng tơpui ƀă môi tuăn mâu tơdroăng ki veăng tơpui tối ‘na tơdroăng ki kal dêi kơxop hlá mơéa Luât kăn sat cơ đŏng. Klêi kơ’nâi hmâng hlá mơéa pơchuât cho kơxop hlá mơéa Luât Kăn sat cơ đŏng, Khu kăn Kuô̆k hô̆i kong pơlê Dak Lak hiăng môi tuăn khât ‘na tơdroăng ki kal dêi tơdroăng mơdêk Luât pơkâ Kăn sat cơ đŏng chiâng Luât Kăn sat cơ đŏng.

Khu kăn Kuô̆k hô̆i Dak Lak veăng tơpui tối ‘na kơxop hlá mơéa Kăn sat cơ đŏng

Mâu kăn tối tiah kố, tơdroăng ki mơdêk chiâng Luât hiăng châ tơmâng xo tơdroăng ki veăng tơpui tối ‘na hnoăng cheăng dêi khu lêng kăn sat cơ đŏng, mâu kăn Dak Lak pơkâ thế: Tung luât ai tối troh 2 hnoăng cheăng ki nếo dêi khu lêng kăn sat cơ đŏng mê cho: djâ tơvế pháu hnêa, kế tơmeăm ki chiâng tŏng kum, rơxế kế tơmeăm mot tung kơno ƀă a tơƀai; châ hbrâ rơnáu tơ’nôm tơƀai, tuk vâ kum ăm hnoăng cheăng, tơdroăng kố cho tơtro ƀă tơdroăng cheăng.

Katarina Nga tơplôu ƀă tơbleăng