VOV4.Sêdang - Kơxê lơ 22/9, Viƀan pơkuâ Kuô̆k hô̆i mơgêi roh hôp má 3. Xông tơpui mơgêi roh hôp má 3, pôa Vương Đình Huệ, Kăn xiâm hnê ngăn Kuô̆k hô̆i mơnhên a roh hôp Vi ƀan Khu râ kăn pơkuâ Kuô̆k hô̆i tơpui tối 6 tơdroăng tơkêa bro luât ƀă hên tơdroăng xiâm kal ki ê. ‘Na tơdroăng hbrâ ăm hneăng hôp má 2, kal châ hbrâ tơtro má môi ăm tơdroăng gak kring tơniăn, hbrâ mơdât pơreăng, tơniăn mâu troăng kum teăm tơdrêng ăm mâu kăn teăng mâ veăng hneăng hôp.

Hdrối mê, tung kơxê lơ 22/9, drêng séa ngăn, pơkâ troăng xúa kơxô̆ liăn ki xo kơdroh, kơdĭng liăn ngân tơnêi têa hơnăm 2021, Vi ƀan pơkuâ Kuôk hô̆i hiăng ăm phêp pơtroh 14 rơpâu 620 rơtal liăn tung tơdroăng hbrâ liăn ngân tơnêi têa vâ xúa ăm tơdroăng hbrâ, mơdât pơreăng.

Xuân tung kơxê lơ 22/9, ƀă 100% khu râ kăn cheăng tung Vi ƀan pơkuâ Kuô̆k hô̆i ai mâ môi tuăn, Vi ƀan pơkuâ Kuô̆k hô̆i hiăng têk kŏng môi tuăn Tơdroăng tơkêa bro tơdroăng mơjiâng pơlê kong kơdrâm Từ Sơn, kong pơlê Bắc Ninh.

A Sa Ly tơplôu ƀă tơbleăng