Lăm troh a tíu pêi cheăng dêi Tíu păn roăng [ă rak ngăn vâi hdrêng chó chêng a Thiên Phước a xá kong 301, cheăm Tân Thành, tơring Đức Trọng, kong pơlê Lâm Đồng tung mâu hâi ki kố, pá ngiâ ngin hlo to tơdroăng ki rơh^ng rơhối, mâu hngêi, hnôu, hneăm [ă tíu ối ăm ko\ng nhân pơrá hiăng huăn to nhâ eâ rơtôh. Tá môi kơpong kong ki kân rơdâ la bu ai môi ngế kơnốu ki pơkuâ, rak ngăn tơmeăm khoăng, ôh tá ai tơdroăng cheăng ki lâi. Ngế kơnốu ki mê tối ăm ‘nâi, pôa dế châ vâi rah xo thế pơkuâ ngăn kơpong kố xiâm to lâi hâi tê.

‘’Á mot akố bu ngăn hngêi, hnôu, hneăm akố iâ hâi, tơdroăng cheăng xuân ti ai ki klâi, bu tiah mê tê. Tơdroăng ki kố, pó ki chêh hlá tơbeăng athế pêi cheăng a mâu kơ koan, khu râ, kơvâ cheăng, á bu cheăng rak ngăn hngêi trăng, xua mê ôh tá ‘nâi klâi’’.

Tơdroăng tơkêa bro kố hiăng châ Vi [an hnê ngăn kong pơlê Lâm Đồng ăm hlá mơ-éa mơ’no liăn cheăng apoăng hơnăm 2008 [ă ăm mung tơnêi lối 107 ha, tung mê, vâ chê 99 ha cho tơnêi kong. Kố cho tơnêi kong ki pêt loăng vâ uâ mơjiâng pro hlá mơ-éa, cho kơpong tơnêi dêi Ko\ng ti tơlo liăn cheăng Grup Tân Mai. Sap ing hâi châ ăm hlá mơ-éa tơdah xo ing Ko\ng ti, mê Tíu cheăng Thiên Phước kố bu xiâm mơjiâng [ơrô pêi cheăng, hngêi ối ăm ko\ng nhân [ă hnôu, tâi tâng kơxo# tơnêi tíu akố rơdâ dâng 400m2 [ă mâu tơmeăm khoăng akố pơrá mơjiâng pro ôh tá ai hlá mơ-éa phep xua tá hâi teăm hơ’leh tơnêi tíu ki xúa tro tiô pơkâ.

Ki rơhêng vâ tối, hnoăng cheăng pơkuâ rak ngăn kong, ko kếo loăng, tơbriât [ă văng tơbăng tơnêi kong ki ôh tá tro phep plâ tung to lâi hơnăm hlối. Troh mơ’nui hiăng ai lối 34 ha kong hía [ă tro tơbriât.

Tíu pêi cheăng dêi Thiên Phước a tơring Đức Trọng

Tiô pôa Lương Ngọc Phương, Kăn pho\ rak ngăn loăng kong tơring Đức Trọng tối, maluâ tíu kô hiăng hmâ ai troăng hơlâ to\ng kum, hnê tối [ă mơdât tơdroăng ki tơngôu, ôh tá kơtăng dêi khu pơkuâ, mê khoh chiâng ai tơdroăng ko ‘nhê loăng, tơbriât tơnêi tíu. Tung mâu roh ki ai pro tơdroăng xôi, xuân ai mâu roh ki chiâng ai khu pro xôi hiăng châ pơtroh ăm mâu kơ koan, pơkâ thế tơleăng mâu tơdroăng xôi, la troh kơ’nâi mê hmái i l^ng, pá ai tâng tối ki klâi xếo ‘na tơdroăng xôi vâi mê. Xua ti mê, hnoăng cheăng pơkuâ rak ngăn kong akố thăm rế trâm hên pá puât.

‘’Ki pá dêi khu pêi cheăng akố xua tơnêi tíu kong dêi tơring xo\n hơngế [ă hên khu mơdró kâ cheăng akố la khu ki rak ngăn loăng pơlái kế kong bu iâ ngế. {ă cheăm Tân Thành ôh tá ai khu ki rak ngăn loăng pơlái kế kong dêi cheăm, xua môi ngế athế pêi hên tơdroăng cheăng, xua mê, khu ki lăm gak ngăn kong pêi cheăng ôh tá kâi troh tu\m a 3 cheăm. Ki málối, kong ki kố cho tơmeăm khoăng dêi Ko\ng ti Thiên Phước, kế tơmeăm vâi rôe xêh, drêng ai tơdroăng ko ‘nhê kong, mê khoh chiâng ối tung tơdroăng ki hía he\ng kế tơmeăm krê, ti xê kế tơmeăm dêi tơnêi têa, xua mê khoh chiâng pá vâ tơleăng’’.

Ko ‘nhê kong, tơbriât tơnêi tíu hlo ai hên a tơring Đức Trọng

Khu mơdró kâ ôh tá pêi pro kơtăng, kơ koan khu râ cheăng tối pá xua ôh tá ai mơngế cho ki xiâm khoh chiâng pro kong tro ko ‘nhê [ă tơbriât. Tiô tơdroăng ki tối mơgêi kơxo# 2094, hâi lơ 13/4/2020 dêi Vi [an hnê ngăn kong pơlê Lâm Đồng tối, tí xê to krê tíu pêi cheăng Thiên Phước mê ai lối 20 khu mơdró kâ ki ê châ pơcháu rak ngăn kong hiăng pêi pro mâu tơdroăng tơkêa bro, mơ’no liăn cheăng a tơring Đức Trọng pơrá tro ai tơdroăng ki tiah mê, tâi tâng kơxo# tơnêi kong tro ko kếo tâk troh 677 ha [ă 296 ha tơnêi kong ki tro tơbriât. Tơpui tơno ‘na tơdroăng kố, pôa Lê Nguyên Hoàng, Kăn pho\ hnê ngăn Vi [an tơring Đức Trọng hiăng vêh mơnhên tối, hnoăng rak ngăn kong a tơring kố ối trâm hên xahpá [ă tơvâ tơvân:

‘’Hnoăng cheăng pơkuâ rak ngăn kong mê châ Vi [an hnê ngăn tơring séa mơnhên ngăn khât, maluâ ti mê, ngin hlo tiah kố, xuân u ối mâu tơdroăng ki pá puât, tá hâi teăm tơtro. Tung la ngiâ kố ah, ngin kô pêi pro tơdrêng mâu troăng hơlâ, thăm mơdêk hnoăng cheăng séa ngăn, lăm gak vâ teăm re\ng châ mơdât khu ngế ki pro xôi, kô ai troăng hơlâ ki pơxâu phak kơtăng [ă mâu khu ngế ki kố. {ă tíu pêi cheăng Thiên Phước, ki ahdrối tâ kô tơku\m pơkuâ ngăn tơnêi kong ki 23 ha hiăng pa ai xúa tơdroăng cheăng, klêi mê kô vêh mơnhên ngăn 11 ha vâ séa mơnhên, tí tăng ‘nâi, kal athế pơkâ vêh pêt kong nếo tro tiô pơkâ’’.

Drêng hlo ai tơdroăng ki hên khu mơdró kâ châ tơnêi têa ăm mung kong [ă tơnêi kong rak vế, pêi pro mâu tơdroăng tơkêa bro vâ mơ’no liăn pêi cheăng kâ, la lôi ai tơdroăng kếo ’nhê loăng kong, tơbriât tơnêi a tơring Đức Trọng, Vi [an hnê ngăn kong pơlê Lâm Đồng hiăng mơ’no hên hlá mơ-éa vâ pơxâu phak tro tiô luât. Maluâ ti mê, tơdroăng ko ‘nhê kong, tơbriât tơnêi tíu akố xuân tá hâi teăm kâi châ mơdât păng ‘nâng.

Quang Sáng chêh

Nhat Lisa tơplôu [ă tơbleăng