VOV4.Sêdang - Hâi lơ 29/9, Khu râ kăn Kuô̆k hô̆i kong pơlê Dak Lak tơkŭm po trâm mâ kuăn pơlê ahdrối hneăng hôp má 2, Kuô̆k hô̆i hneăng má XV. Hên mâu kăn tơpui tối tơmâng troh mâu troăng vâ pêi pro pơkâ “péa xôh” rế mơnhông mơdêk cheăng kâ – rêh ối pơlê pơla, rế hbrâ, mơdât pơreăng châ tơƀrê hiăng châ mâu kuăn pơlê tơpui tối. A mâu roh trâm mâ kuăn pơlê, kuăn pơlê kong pơlê Dak Lak pâ thế ƀă Kuô̆k hô̆i, Chin phuh, mâu khu xiâm, kơvâ Tơnêi têa ƀă kong pơlê pơtối hnê mơhno kơtăng tơdroăng hbrâ, mơdât pơreăng COVID-19, tăng rôe vaccine pâk ăm kuăn pơlê, thăm pơtroh hên ƀok thái pơkeăng, tá mâu khu pêi cheăng, kơmăi kơmok, ki málối khu ƀok thái khăm pơlât vâ rĕng troh tah pơreăng, djâ tơnêi têa rĕng vêh tơniăn lĕm nếo.

Khu râ kăn Kuô̆k hô̆i kong pơlê Dak Lak trâm mâ kuăn pơlê hdrối hneăng hôp má 2

Rơtế ƀă mê, kuăn pơlê xuân pâ thế: kal ‘mâi rơnêu, tơ’nôm mâu mơ-éa luât môi tiah: Luât tơnêi tơníu, Khu Luât xăm tối xăm tơkêng Tơdroăng xôi kân 2015, Luât pro lêng, Luât tơ’noăng kheăn kơdeăn ƀă hiá hé, vâ mâu khu râ, mâu kơvâ cheăng tơ’lêi pê pro tơniăn ki pơxâu phak mâu tơdroăng pro xôi luât ƀă tơtro ƀă tơdroăng rêh ối nôkố.

A Sa Ly tơplôu ƀă tơbleăng