VOV4.Xơ Đăng - Kơxê lơ 30/11, khu râ kăn séa ngăn 138 dêi Khu xiâm kal kí xua jâ Trương Thị Mai, Kăn cheăng tung Khu xiâm kal kí, Kăn xiâm pơkuâ hnê ngăn Đảng, Kăn pơkuâ ‘na rah xo kăn ƀô̆ Tơnêi têa pơkuâ xiâm hiăng pêi cheăng ƀă Đảng khu râ kăn Kuô̆k hô̆i ‘na tơdroăng châ tơƀrê pơkuâ, hnê mơhno tơdroăng hriăn plĕng, hriâm tâp, hlê plĕng tŭm, pơtâng tối, mơhno nhên ƀă po rơdâ pêi pro Pơkâ Hneăng hôp khu râ kăn teăng mâ lâp tơnêi têa má 13 dêi Đảng.Pôa Vương Đình Huệ, Kăn xiâm hnê ngăn Kuô̆k hô̆i, Kăn pơkuâ hnê ngăn cheăng Đảng khu râ kăn Kuô̆k hô̆i rơtế pơkuâ roh pêi cheăng.

Xông tơpui a roh pêi cheăng, pôa Vương Đình Huệ kheăn kơdeăn mơ-éa tơbleăng dêi khu râ kăn séa ngăn; tơdrêng amê mơnhên, tơdroăng séa ngăn hiăng châ tơƀrê hôm, ing mê mơdêk hlê plĕng ‘na tơdroăng mơjiâng Đảng dêi khu râ kăn pêi cheăng, Đảng bô̆ ƀơrô Kuô̆k hô̆i xuân môi tiah mâu khu pêi cheăng Đảng ối tung tôh Đảng.

Tơdroăng séa ngăn xuân hiăng kum Đảng đoân hlê plĕng nhên mâu tơdroăng hiăng pêi châ tơƀrê, xuân môi tiah tơdroăng ki tá hâi tro vâ tơleăng mơnhên tung la ngiâ.

            A Sa Ly tơplôu ƀă tơbleăng