VOV4.Xơ Đăng - Hâi lư 9/11, Khu xiâm ngăn Kŏng an tơkŭm po pêi pro Hâi Luât Tơnêi têa Kŏng hòa xah hô̆i chuh ngiah Việt Nam. Đăi tươ̆ng Tô Lâm, Ngế cheăng tung tíu xiâm kal kí, kăn xiâm ngăn Kŏng an tơpui a rôh leh, tối nhên: Hâi Luât Tơnêi têa Kŏng hòa xah hô̆i chuh nghiah Việt Nam hiăng châ Kŏng an mâu tíu pêi cheăng, kong pơlê pêi pro kơtăng, ai tơdroăng pêi pro tro ƀă mâu tơdroăng pêi ki nhên, ai pơxúa, rơkê plĕng, tơtro ƀă tơdroăng ki ai khât dêi tơnêi têa, tơdjêk ó rơdêi, veăng kum mơdêk ki hlê plĕng, hnoăng cheăng pôu râng, rak vế luât dêi rêm ngế kuăn pơlê tối tơdjuôm, dêi kăn ƀô̆, lêng Kŏng an kuăn pơlê tối krê.

Pôa Tô Lâm pơkâ thế kăn pơkuâ Kŏng an mâu tíu pêi cheăng, kong pơlê pêi pro tro tâ nếo hnoăng cheăng séa ngăn tơdroăng pêi pro luât, tối tơbleăng, hnê hriâm luât, pêi pro tơdroăng pơkâ tơniăn krê rak ngăn ‘na pơkâ tơleăng mâu ngế ki pro xôi luât chêh pro hlá mơ-éa châ pêi pro đi đo, pơtối, châ tơƀrê.

Katarina Nga tơplôu ƀă tơbleăng