VOV4.Sêdang - Kơxo lơ 19/9, Khu xiâm ngăn pơkeăng ƀă khăm pơlât tơbleăng tối păng ‘nâng ‘na tơdroăng Hô̆i đong hiâm mơno tơnêi têa tung hriăn plĕng sinh hok tơnêi têa hiăng tơbleăng tơdroăng châ tơƀrê tung séa ngăn tơdroăng mơnúa pơkeăng hneăng má 3 vaccine Nanocovax. Tơdrêng amê tối ăm ‘nâi, vaccine kố cho tơniăn ƀă kâi trâng pơreăng laga tá hâi tơdroăng chêh mơnhên tơdrêng xêt khât rak vế châ chăn.

Pơtối mê, Hô̆i đong hiâm mơno tung hriăn plĕng ‘na ngăn pơkeăng sinh hok tơnêi têa hiăng hôp mơnhên ki châ tơƀrê tơdế hneăng mơnúa pơkeăng hneăng má 3 vaccine Nanocovax ƀă tơdroăng hriăn plĕng troh hâi lơ 2/9/2021. ‘Na tơdroăng ki châ tơƀrê rak vế châ chăn (tơdroăng châ tơƀrê kal má môi ‘na ki dâi lĕm) troh nôkố, xuân tá hâi ai mơ-éa chêh tối vâ mơnhên tơdrêng ki xêt khât dêi vaccine Nanocovax tiô kơxô̆ mơngế tro tâ COVID-19 tung hriăn plĕng, kal pơtối pêi pro mơnhên ‘na ki châ tơƀrê rak vế ivá châ chăn tiô tơdroăng kĭ tơkêa.

A Sa Ly tơplôu ƀă tơbleăng