VOV4.Sêdang - Thươ̆ng tươ̆ng Hoàng Xuân Chiến, kăn phŏ pơkuâ ngăn lêng nếo diâp ăm pôa Sengphet Houngboungnuang, kăn teăng mâ mâ pơkuâ tâi tâng hnoăng cheăng kong têa Kŏng hòa Yân chuh Nhân yân Lếo a Việt Nam mâu kế tơmeăm xúa tung khăm pơlât hbrâ mơdât pơreăng kơnâ lối 5,2 rơtal liăn dêi Khu xiâm pơkuâ ngăn lêng Việt Nam diâp ăm Khu pơkuâ ngăn lêng kong têa Lếo.

Thươ̆ng tươ̆ng Hoàng Xuân Chiến diâp kế tơmeăm xúa tung khăm pơlât ăm Lếo

Thươ̆ng tươ̆ng Hoàng Xuân Chiến ăm ‘nâi, Khu xiâm pơkuâ ngăn lêng Việt Nam hiăng pơkâ thế mâu Kuân khu, Khu pơkuâ ngăn lêng, Khu pơkuâ ngăn Mố đô̆i gak tơkăng kong mâu kong pơlê ai tơdjuôm troăng tơkăng ƀă Lếo tung ivá dêi tơná hbrâ rơnáu tŏng kum tâng peăng Lếo ai pơkâ thế. Pôa Sengphet Houngboungnuang tối nhên drêng pơreăng COVID-19 xông tâ tú a Lếo, Việt Nam cho kong têa pú ki apoăng tŏng kum Lếo tá kế tơmeăm xúa tung khăm pơlât ƀă khu ki rơkê plĕng tung pơla Việt Nam xuân dế trâm pơreăng tâ tú, tung mê Khu pơkuâ ngăn lêng Việt Nam hiăng tŏng kum kơhnâ, rĕng má môi.

Nga tơplôu ƀă tơbleăng