VOV4.Xơ Đăng - Kong pơlê Lạng Sơn nếo pơkâ kơdroh kơxô̆ liăn nâp xúa tơmeăm khoăng a mâu tíu tê mơdró kăng kong, kơdroh yă nâp liăn a tíu tê mơdró tơkăng kong Tân Thanh vâ veăng kum mâu khu mơdró châ tê dêi kế tơmeăm ăm kong têa ê. Troh nôkố, tâi tâng kơxô̆ rơxế chơ tơmeăm vâ tê ăm kong têa ê ối tơkôm a tíu tế mơdró kăng kong kong pơlê Lạng Sơn ai 4.200 toăng, tung mê ai lối 2.900 troăng rơxế chơ mâu plâi kâ nếo klêi krí, tơkŭm hên cho a tíu tê mơdró kăng kong Tân Thanh.

Kơdroh hên túa liăn nâp veăng kum khu mơdró chêl dêi a liăn ki tơkôm mơno oh tá châ tê dêi tơmeăm pê lo ing chiâk deăng

Hlo tơdroăng dế hâ ho troăng prôk ton hâi, tối ‘na tơdroăng ki xơpá ƀă mâu khu mơdró ƀă mâu ngế vê rơxế, kong pơlê Lạng Sơn pơkâ oh tá nâp liăn pơlât tamo châi  ƀă mâu ngế ki vê rơxế tâng lơ ôh tá mơhúa tro tâ COVID-19 ƀă pơtối kơdroh liăn nâp xuá tơmeăm khoăng a mâu tíu tê mơdró tơkăng kong, kơdroh hên túa ki thế nâp liăn a tíu tê mơdró tơkăng kong Tân Thanh. mê cho liăn nâp xúa mơjiâng tơmeăm khoăng, nâp ki kố ki mê a kơpong tíu tơkăng kong tung kong pơlê Lạng Sơn.

Gương tơplôu ƀă tơbleăng