VOV4.Sêdang - Kơxo lơ 7/9, a Hà Nội, Khu xiâm ngăn cheăng pêi ƀă mơnhông thôn pơlê hôp mơ’no tơdrêng ƀă mâu kong pơlê ƀă Khu râ kơvâ cheăng tiô troăng rơhlâ tah ki xơpá vâ pêi châ tiô pơkâ tê ká xi xŏng ăm kong têa ê tung hơnăm kố. Rôh pơreăng COVID-19 tâ tú má 4 hiăng ƀă pro tơdjâk ó troh tơdroăng pêi chiâk deăng, uâ pơliê pro tơmeăm dêi mâu khu mơdró,  tơmeăm ƀă loăng, malối a kơpong peăng Hdroh tíu ki tơkŭm hên lối 70% tâi tâng xô̆ khu mơdró, ƀă ki pơxuá dêi tơmeăm tê ăm kong têa ê vâ chê 80% tâi tâng xô̆ tơmeăm pro ƀă loăng  tê ăm kong têa ê ƀă mâu tơmeăm ‘na loăng tung lâp tơnêi têa.

Riân hiăng ai lối tơdế kơxô̆ khu mơdró thế pơtê pơtân lơ klĭng péa ƀă kơdroh ivá pêi pro xua pơreăng tâ tú. Vâ tah ki xơpá ăm khu mơdró, peăng Khu xiâm ngăn ‘na chiâk deăng ƀă mơnhông thôn pơlê hiăng tơbleăng thế Chin phuh ƀă Khu hnê mơhno tơnêi têa ‘na hbrâ mơdât COVID-19 ăm mâu kong pơlê tíu tê mơdró pêi cheăng. Hlối kum ƀă hnê mơhno ‘na pơkeăng pơlât vâ mâu khu mơdró hbrâ rôe ƀă pêi xêh tơdroăng khăm ngăn rĕng hlối xét nghiê̆m tiô tơdroăng PCR kum kơdroh kơxô̆ liăn; ăm mâu khu mơdró hbrâ tăng xiâm vaccine vâ pâk ăm mâu ngế pêi cheăng.

Gương tơplôu ƀă tơbleăng