VOV4.Sêdang - Kong pơlê Kon Tum pơtối châ hlo tơ’nôm 12 ngế F0 ƀă 13 ngế vêh yương tĭnh ƀă SARS-CoV2, pơrá cho mơngế pêi cheăng ing Pơlê kong kân Hồ Chí Minh ƀă mâu kong pơlê: Đồng Nai, Bình Dương, Bình Phước vêh a kong pơlê. Mâu ngế F0 kố hngêi ối a 4 tơring dêi kong pơlê Kon Tum, mê cho: Ngọc Hồi, Sa Thầy, Đăk Tô, Đăk Hà ƀă châ klâ kơtăn tơkŭm klêi kơ’nâi vêh a kong pơlê.

Kuăn pơlê pêi pro tối tơbleăng ăm ƀok thái pơkeăng a Tíu gak mơdât pơreăng kơxô̆ 1 Sao Mai, pơlê kong kơdrâm Kon Tum

‘Na 13 ngế vêh yương tĭnh ƀă SARS-CoV2 châ hlo tung hâi lơ 7/10 a kong pơlê Kon Tum xuân pơrá vêh ing Pơlê kong kân Hồ Chí Minh ƀă kong pơlê Bình Dương. Tiah mê, sap hâi lơ 5 – 7/10, kơvâ khăm pơlât kong pơlê Kon Tum hiăng châ hlo 16 F0 ƀă 25 ngế vêh yương tĭnh ƀă SARS-CoV2. Kong pơlê Kon Tum xuân dế cho kong pơlê ki má môi a kơpong Tây Nguyên tá hâi ai ngế tro tâ pơreăng tung pơlê pơla.

A Sa Ly tơplôu [ă tơbleăng