VOV4.Sêdang - Hâi lơ 24/9, hlo châ môi ngế kơnốu hlâ đông hiu a kroăng Pô Kô pơla vâ tơkâ cheăm Tân Cảnh, tơring Đăk Tô, kong pơlê Kon Tum. Châ ngế kơnốu mê đông hiu a kroăng Pô Kô, pơla peăng pá hdroh rơchoâ kâng têa dêi hngêi kơmăi on tơhrik Pô Kô, dêi cheăm Tân Cảnh, tơring Đăk Tô châ khu kŏng nhân Hngêi kơmăi pro al-côl ƀă tơpoăng pôm loăng Đăk Tô ki gak a tíu hrik têa hlo a 7 chôu kơxo lơ 24/9.

Kong mêi kân xua tơdjâk khía kân rôh má 6 plong mot pro têa mâu kroăng têa pró  a Kon Tum tâk đik

Tơdroăng ăm ‘nâi apoăng ing kuăn pơlê cheăm Tân Cảnh, tơring Đăk Tô, ngế ki mê inâi B.V.T, 46 hơnăm, ối a Khô̆i 2, pơlê kân Đăk Tô. Ngế ki mê gá lăm prôk ing dêi hngêi sap hâi lơ 11/9/2021 ƀă mâu rơpŏng hngêi hiăng đăng tăng mơngế tung măng pơlê pơla. Drêng tâng tối tơbleăng, Kŏng an tơring Đăk Tô hiăng ăm mâu khu râ pơkuâ cheăng troh amê séa ngăn châ chăn ngế ki hlâ vâ ’nâi xiâm kối gá hlâ.

Gương tơplôu ƀă tơbleăng