VOV4.Xơ Đăng - Kơxê lơ 8/11, a pơlê kong kơdrâm Kon Tum, kong pơlê Kon Tum tơkŭm po leh mơgêi ƀă diâp pri tơ’noăng chêh hlá tơbeăng ‘na mơjiâng Đảng kong pơlê Kon Tum hơnăm 2021. Rôh apoăng tơkŭm po, klêi vâ chê 4 khế mơhnhôk tơ’noăng chêh hlá tơbeăng mơjiâng Đảng kong pơlê Kon Tum hơnăm 2021 châ xo ai 168 ƀai chêh dêi 150 ngế chêh, khu chêh, ing 17 tơring, kơ koan, tíu pêi cheăng ƀă mâu lêng tung kong pơlê veăng tơ’noăng.

Tung kơxô̆ ki mê ai 82 bai chêh châ tơ’noăng mơgêi má mơ’nui. Khu tơkŭm po tối, mâu ƀai chêh hiăng tơkŭm chêh tối tŭm tơdroăng ‘na mơjiâng Đảng. Hô̆i đong châm ƀai tơ’noăng hiăng rah 13 ƀai ki chêh rơkê, Khu tơkŭm po tơ’noăng mơhá pro C ăm 6 ƀai, pri B 4 ƀai, Pri A 3 ƀai chêh.

Diâp pri A ‘na ƀai chêh tơbleăng tung um ăm khu ki châ kâ pri

Mâu ƀai chêh ki châ kâ pri hlá tơbleăng ‘na mơjiâng Đảng kong pơlê Kon Tum hơnăm 2021 kô châ veăng tơ’noăng hlá tơbeăng tung lâp tơnêi têa ‘na mơjiâng Đảng (Pri Búa liềm Vàng) rôh má 6 hơnăm 2021.

Gương tơplôu ƀă tơbleăng