VOV4.Sêdang - Lối chât rơpo\ng a bêng Nguyễn Trãi, pơlê kong kơdrâm Kon Tum, kong pơlê Kon Tum dế ôh tá tơniăn tuăn xua ai hên nhâ báu rơtôh, nhâ ki mê vâ môi tiah báu kiâ há, ga huăn tung dế klâng báu, êa rơtôh, pro pá puât vâ châ pôe xo dêi báu. Ki rơhêng vâ tối, hdrê báu ki mơdâ tung tơbăng klâng kố, ai troh 900kg báu xua Khu ngăn ‘na kuăn pơlê pêi chiâk deăng bêng Nguyễn Trãi xing xoăng ăm. Khoa Điềm-Ngế chêh hlá tơbeăng cheăng tung Rơ’jíu Việt Nam a kơpong Tây Nguyên ai chêh tối ‘na tơdroăng mê.

Nhâ rơtôh hiăng huăn tung vâ chê 15 ha klâng báu, dêi 20 rơpo\ng ối a bêng Nguyễn Trãi, ki mơdâ pêt a tơbăng klâng Hà Gẹc [ă Tân Hương, ối tung cheăm Đoàn Kết, pơlê kong kơdrâm Kon Tum, xua lối eâ rơtôh ga hiăng luâ ko mơngế. {ă mâu tơbăng nhâ báu ki kố ôh tá kâi chiâng vâ po văng, xua ga huăn a’ngêi tơdâng [ă báu há, thăm nếo, nhâ rơtôh kố ối xo\n luâ tâ kơ báu, xua mê, kuăn pơlê athế pôe nhâ tá báu vâ che\m ăm ro i kâ. Pôa Trần Quốc Khánh, Kăn Khu ngăn ‘na pêi chiâk deăng bêng Nguyễn Trãi, pơlê kong kơdrâm Kon Tum tối, klêi kơ’nâi tâng tối ‘na Khu ngăn ‘na pêi chiâk deăng bêng hiăng rôe 900kg hbrê báu ăm mâu rơpo\ng kuăn pơlê cho ai khât, laga, tơdroăng ki khoh chiâng ai nhâ kiâ, ki eâ rơtôh kố cho xua ing hdrê báu, tơdroăng kố tá hâi teăm ‘nâi nhên ôh há.

‘’Tiô á [ă mâu rơpo\ng ki ê mê, nhâ rơtôh mê ôh tá xê ing hdrê báu. Báu ki kố cho hdrê báu ki dâi le\m khât, kuăn pơlê hiăng hmâ mơdâ pêt, nhâ ga ôh tá xê báu. Nhâ rơtôh ki kố ga hiăng hmâ huăn tung klâng báu ai sap ing hdrối nah. Ga chiâng ukố umê, to lâi hơnăm kơ’nâi mê ga hiăng huăn lâp [ăng klâng. Rế hía rế hlo ga chiâng eâ rơtôh pá kâi tối’’.

Hdrê nhâ kố ga chiâng te\ng ó khât, pro rơtôh ăm báu kuăn pơlê ki pêt

Tíu xiâm ngăn ‘na chiâk deăng, [ơrô pêi cheăng kâ dêi pơlê kong kơdrâm Kon Tum hiăng tơru\m cheăng [ă khu kăn pơkuâ xuân hiăng lăm séa mơnhên khât păng ‘nâng. Ki apoăng hiăng vêh mơnhên tối tung kơxo# [ăng klâng ki 15 ha báu ki ai nhâ rơtôh ai troh 5 sào, pro tơ’nhê tâi tâng klâng báu; 2 ha 5 sao báu ki ai nhâ huăn sap ing tơdế troh 70% [ă kơxo# klâng báu ki tơ’nhê mê, ai sap ing 20 troh 30%. Ki tô tuăn akố, nhâ xuân pơtối pro ‘mêi ăm tơdroăng pêi chiâk pêi deăng tung rơnó la ngiâ, xua kloăng báu kiâ kố ga tơ’lêi ruih a’nâi hnối huăn chiâng nhâ ki eâ rơtôh lâp lu.

Môi ngế dế pôe tah nhâ rơtôh

Pôa Huỳnh Đăng Nguyễn, Kăn pho\ ngăn tíu xiâm tê rôe tơmeăm pêi lo ing chiâk deăng dêi pơlê kong kơdrâm Kon Tum tối ăm ‘nâi, tung pơla kố mâu kơ koan ai tơdjâk dêi pơlê kong kơdrâm mơnhên tối ki xiâm khoh chiâng pro nhâ rơtôh kố, xua khu kố hiăng ai hnê tối mâu rơpo\ng kuăn pơlê:

‘’Tíu xiâm hiăng hnê mơhnhôk kuăn pơlê kal athế hbrâ rơnáu [ă khu nhâ rơtôh kố, hnê kuăn pơlê pôe tah lôi nhâ ki mê. Kal athế pôe tah lôi hdrối ga vâ ruih kloăng, xua drêng ga hiăng ruih kloăng ah kô chiâng tâ lâp lu tung klâng chiâk. Hnê tối ăm kuăn pơlê ki pêi chiâk deăng kal athế rôe hdrê ki dâi le\m, ôh tá xúa hdrê ki ‘măn ing mâu rơnó hdrối mê hía nah. Rơnó báu kơ’nâi mê hdrối vâ mơdâ pêt dâng 1 khế mê vâi krâ-nho\ng o kal athế po pông tơnêi. Troh a rơnó mơdâ mê vâi krâ-nho\ng o kal athế po tơnêi roh má péa vâ tah lôi nhâ rơtôh ki chiâng tung klâng chiâk’’.

Khoa Điềm chêh

Nhat Lisa tơplôu [ă tơbleăng