Tung plâ 10 hơnăm hriâm pơla hdrối kố nah, troăng lăm troh a hngêi trung dêi ngế muăn hok tro kơdrâi ki châ chăn ôh tá dâi kố, inâi Y Julie, hdroâng Bơhnéa, hngêi ối a pơlê Kon Drei, cheăm Đăk Blà, pơlê kong kơdrâm Kon Tum đi đo ai tơdroăng ki veăng to\ng kum dêi péa ngế pú kơdrâi tơtế ối tung pơlê, cho Y Bích [ă Y Vưn.

Kơnôm ai 2 ngế pú hmâ ki le\m, maluâ ôh tá ai péa kơpeăng ko\ng, châ chăn ‘ro ‘rih [ă hmâ châi tamo, la Y Julie xuân ối châ hlo tơdroăng ki hơniâp ro a hơnăm ối ‘ne\ng châ troh a lâm, a hngêi trung. Ai péa ngế pú ki veăng kum, hnê mơhnhôk rêm hâi chơ [ă rơxế mái, Y Julie hiăng tơkâ luâ 10 hơnăm prôk ing Hngêi trung Mâm non Ánh Hồng troh a Hngêi trung râ má môi Đăk Blà, Hngêi trung râ má péa Lê Đình Chinh [ă dế nôkố cho Hngêi trung râ má pái Phôh thong Trường Chinh. Tối ‘na pú hmâ tơná [ă tơdroăng veăng kum ăm pú hmâ tơná, o Y Vưn, hok tro lâm 10C8, Hngêi trung râ má pái phôh thong  Trường Chinh tối ăm ‘nâi:

‘’Y Julie ôh tá xê mo dâi le\m môi tiah mâu pú ki ê. Á xuân chiâng vâ veăng kum ăm pú ki mê mâu tơdroăng cheăng rêm hâi. Chơ dêi pú lăm hriâm. Râng hlá mơ-éa hriâm ăm pú. Kum ăm pú tung hriâm tâp. Drêng kum ăm pú mê á tâ tung hiâm mơno hơniâp ro [ă sôk suâ’’.

Muăn Y Julie (pá hơ’vá) [ă Y Vưn tung chôu lo pơtê

Tơdrêng [ă tơdroăng cheăng rêm hâi, ôh tá kho [ă tơdroăng ki pá puât, troăng prôk hơngế châ lối 10km pá vâ prôk lăm, 2 ngế o Y Bích, Y Vưn hơ’lêh dêi pó chơ pú troh a hngêi trung. Prếo a pơlê, péa ngế o ối kum dêi pú hên tơdroăng tung rêh kâ ối rêm hâi. Kum dêi pú tung hriâm tâp, pái ngế vâi o vâi muăn pơlê hriâm [ă dêi pó, hnê tối ăm dêi pú mâu tơdroăng ki hâi hlê klê.

Y Bích, Y Vưn kum dêi pú hriâm rơkê môn Tóan, klêi mê, muăn Y Julie kum ăm dêi pú hriâm nâl Ănglê [ă môn Văn. Đi đo châ péa ngế pú mơhnhôk [ă to\ng kum, Y Julie hdrối nah ing tơdroăng kơmêi kơxiâp hiăng chiâng ngế ki khên, loi tơngah dêi tơdroăng hriâm tâp tơná, nôkố, ga hiăng chiâng muăn hok tro ki rơkê [ă kơhnâ khât. Muăn đi đo veăng pêi pro mâu tơdroăng cheăng ki xua lâm, xua hngêi trung [ă vâi krâ-nho\ng o tung pơlê to\ng kum. Muăn Julie tối tiah kố:

‘’Klêi mơhum mâ nah á ôh tá mơhúa môi tiah mâu vâi pú ki ê la á xuân kơdo mơ-eăm loi tơngah dêi tơná kô tơkâ luâ xahpá. Maluâ tơdroăng prôk lăm pá puât la kơnôm ai tơdroăng to\ng kum dêi péa ngế pú xua mê á xuân kơdo mơ-eăm tơkâ luâ xahpá, ai ivá, hiâm mơno vâ hriâm’’.

Muăn Y Vưn, Y Julie [ă cô pơkuâ lâm

A pơlê kong kơdrâm Kon Tum, kong pơlê Kon Tum tơdroăng hơ’muăn tối 10 hơnăm kum dêi pú hmâ tơkâ luâ tơdroăng kơmêi kơxiêp xua châ chăn ôh tá mo dâi, hiăng khên troh hriâm a hngêi trung, kơnôm ai 2 ngế o to\ng kum, cho Y Bích prế Y Vưn, tơdroăng mê, nôkố hiăng ai hên ngế ‘nâi ple\ng.

Tơdrêng [ă tơdroăng ki rơ-rêk tung hiâm mơno xua hlo hiâm mơno hơ-ui pâ dêi pó pơla pái ngế muăn hok tro ki ku\n kố, ai hên tơdroăng ki mơhnhôk ai pơxúa tơtro ‘nâng xuân hiăng châ mâu khu ngế ki ai hiâm tuăn le\m, khu ngăn ‘na tơdroăng rêh ối pơlê pơla pơtroh kum ăm vâi o.

Mơhno pơ-eăng tơdroăng pú hmâ ki le\m tro mê, pêi pro le\m tro, mê khu pái ngế muăn Y Bích, Y Vưn [ă Y Julie, lâm 10C8, Hngêi trung râ má pái phôh thong châ thái cô xuân môi tiah mâu vâi pú hok tro hâk kơdeăn [ă xo ing túa ki mê vâ pêi pro [ối vâ kơdo mơ-eăm tung hriâm tâp. Tối ‘na pái ngế cô hok tro ki hâk mơjo dêi tơná, cô Phạm Thị My Ly, pơkuâ hnê lâm dêi pái ngế muăn, tối ăm ‘nâi:

‘’Muăn Julie ga ai ivá hriâm kơhnâ khât ‘nâng. Muăn chêh [ă chêng la chư chêh dêi muăn le\m ‘nâng. Hngêi muăn ối a hơngế ing hngêi trung, troăng prôk xuân trâm hên xahpá, môi ngế muăn ôh tá kâi chiâng vâ lăm troh xêh a hngêi trung, kơnôm ai 2 ngế muăn Bích prế Vưn hiăng hơ’lêh dêi pó chơ ga [ă rơxế mái. Tung pơla kâ hmê kơhâi dế, prế pú hmâ ga pơche\m. Klêi mê, lăm dế xuân ai péa ngế pú veăng. Julie ai hiâm mơno kâi chân, muăn hriâm rơkê, muăn đi đo kơdo mơ-eăm troh a lâm hriâm tu\m, ga mơ-eăm ó ‘nâng’’.

Rơtế [ă tơdroăng pơtối to\ng kum dêi pú troh a hngêi trung péa hơnăm ki u ối dêi râ má 3, péa ngế muăn Y Bích prế Y Vưn pói rơhêng vâ la ngiâ ah kô kum pú Y Julie châ ai tơdroăng cheăng pêi tơtro vâ dêi pú pơtối kâi chân tung rêh ối.

Khoa Điềm chêh

Nhat Lisa tơplôu [ă tơbleăng