VOV4.Sêdang - Hâi lơ 5/7, kong pơlê Kon Tum tơku\m po hôp tơpui tơno ‘na tơdroăng pơkâ mơnhông tu\m têk vâi hdrêng tung pơkâ mơnhông cheăng kâ, rêh ối pơlê pơla dêi kong pơlê.

Veăng hneăng hôp tơpui tơno ai teăng mâ Khu tơru\m cheăng UNICEF a Việt Nam; khu kăn pơkuâ mâu khu cheăng, kơvâ cheăng [a\ teăng mâ 9 cheăm châ pơxúa tơdroăng tơkêa bro dêi mâu tơring Kon Rẫy, Tu Mrông, Đăk Glei.

Tiô pơkâ mơnhông cheăng kâ, rêh ối pơlê pơla dêi Kon Tum hneăng 2017 – 2021, tơdroăng mơnhông vâi hdrêng tu\m têk dêi tơdroăng tơkêa kô tơku\m 4 túa pơkâ ton xo\n kal po rơdâ pêi pro a 9 cheăm dêi 3 tơring. Ki nhên, iâ má môi 70% kơxo# vâi hdrêng sap 1 hâi – 3 hơnăm ai trếo piê le\m tơtro [a\ rơxông hơnăm; iâ má môi 90% kơxo# vâi hdrêng 5 hơnăm châ mơhnhôk lăm hriâm; 75% kơxo# vâi hdrêng pá kơdâm 5 hơnăm châ rak ngăn krâu tro tiô pơkâ ‘na mơnhông vâi hdrêng…

Hneăng hôp tơpui tơno hiăng tơmâng xo rơkong tơpui dêi mâu khu cheăng, kơvâ cheăng vâ pơkâ nhên rêm túa cheăng, tơniăn tâi tâng vâi hdrêng sap ing 1 hâi – 8 hơnăm pơrá châ mơnhông tơtêk tu\m ‘na châ, hiâm mơno, hiâm tuăn le\m pơlê pơla.

A Sa Ly tơplôu [ă tơbleăng