VOV4.Sêdang-

            Kơtăn kố lối 6 hơnăm, mâu cheăm Đak Na, Đak Sao tơring Tu Mrông [a\ Đak Trăm, tơring Đak Tô dêi kong pơlê Kon Tum tro tơ’nhiê ó kế tơmeăm khoăng xua kong mêi râ, têa kân lân lu. Rơtế [a\ tro lu\p ‘na mơngế, kế tơmeăm khoăng dêi rêm rơpo\ng, kong mêi têa kân lân lu xuân ‘nhiê tâi tâng kông vế, pro mâu thôn chiâng chuăn têa. Tơdroăng kơjo mơ’no liăn mơjiâng 5 to kông vế tung tơdroăng tơkêa pro mơjiâng 186 to kông vế vâ tơniăn le\m prôk lăm dêi Khu xiâm pơkuâ troăng prôk [a\ rơxế kơtâu hiăng pro tơ’lêi hlâu ăm kuăn pơlê tung prôk lăm [a\ 5 rơpâu ngế kuăn pơlê hdroâng kuăn ngo Rơteăng a kố sôk ro. Pôa A Lốk, ối a pơlê Plei Năng Nhỏ Một, cheăm Đak Sao, tơring Tu Mrông tối ăm ‘nâi: Klêi kơ’nâi khía mơhot roh má 9 hơnăm 2009 plong mot, pá khât ôh tá chiâng prôk lăm u lâi. Rơxế [a\ kuăn mơngế xuân ôh tá châ prôk pá kố. Kông nếo môi tiah kố tơ’lêi pơto alâi, pôm loăng, báu. Nôkố kông hiăng le\m, tơniăn prôk lăm, hmâ kong mêi kân to lâi xuân chiâng tơ’lêi prôk lăm.

Pôa Trần Như Hiếu, Kăn pơkuâ khu mơjiâng pro kế tơmeăm khoăng kơxo# 4 kong pơlê Kon Tum tối ăm ‘nâi, kuăn pơlê séa ngăn tơdroăng mơjiâng kông rêm hâi [a\ đi đo kum drêng ai pơkâ: Mơjiâng kông kố kuăn pơlê sôk ro khât. Hên xôh drêng vâi lăm a kố veăng kum, ting tông tâl, ting tông meăm, vâi veăng pêi tâi tâng. Tối tơchuôm kuăn pơlê sôk ro khât. Nôkố hmâ kong mêi kân ôh tá xâu xếo, kuăn pơlê sôk ro khât păng ‘nâng.

Vâ kông vế kum tung tơdroăng prôk lăm ton xo\n dêi kuăn pơlê, tơdroăng rơnêu kông vế vâ ăm xúa hiăng châ kơvâ cheăng kong pơlê Kon Tum xêo inhên. Pôa Trần Thanh Hải, kăn pho\ pơkuâ tơdroăng tơkêa kơxo# 1 - ối tung Khu pơkuâ rak tơniăn troăng prôk [a\ rơxế kơtâu kong pơlê Kon Tum ăm ‘nâi: Drêng mơjiâng pro kông vế, ngin sap ing nah troh nôkố xuân tôu tuăn tơdroăng ki ‘mâi rơnêu. Tâng tơniăng tơ’nhiê, mê kông kô tơ’nhiê há. Ngin kô pêi cheăng [a\ khu kăn pơkuâ cheăm mơ-eăm vâ mâu ngế ki prôk lăm a kông kố kô ai môi lâm hnê mơhno ‘na túa rak vế kông. Liăn vâ pêi cheăng kô pêi cheăng [a\ mâu khu râ cheăng vâ rơnêu tơtro tiô pơkâ.

A Sa Ly tơplôu [a\ tơbleăng