VOV4.Sêdang -  Tung pơla dế tâ pơreăng COVID-19, tơdroăng tê kế tơmeăm ăm kong têa ê dêi kong pơlê Kon Tum tung 9 khế hdrối xuân pơtối tâk hên luât tơdroăng pơkâ. Mê cho tung 9 khế hdrối, tâi tâng tơmeăm dêi kong pơlê Kon Tum tê ăm kong têa ê châ lối 174 rơtuh dollars, luâ tơdroăng pơkâ ƀă tâk vâ chê 41% tâng vâ pơchông ƀă hơnăm hdrối. Tung mê, kơxu cho tơmeăm ki xiâm kong pơlê tê ăm kong têa ê châ sap 80-85%.

Kuăn pơlê Kon Tum kúa dêi chhá kơxu

Tiô Vi ƀan kong pơlê Kon Tum, mơhé trâm hên xơpá xua tơdjâk pơreăng COVID-19, la troh tâi khế 9 tê kế tơmeăm kong pơlê tê ăm kong têa ê hiăng vâ chê tiô pơkâ tung hơnăm. Ki tơ’lêi cho yă kơxu mâu khế apoăng hơnăm tâk sap 15-17% tâng vâ pơchông ƀă hơnăm hdrối; Sinuâ cho kong têa ki rôe hên dế ‘mâi mơnhông klêi kơ’nâi ai pơreăng kân COVID-19 mê chiâng châ tê hên.Tung mâu khế mơ’nui hơnăm tiô tối tơbleăng xua kơxu rế kơdroh, kơvâ cheăng pro ô tô lâp plâi tơnêi dế ‘mâi mơnhông ƀă tơdroăng cheăng kâ Sinuâ tâk mê pơtối tơ’lêi hlâu ăm mâu khu mơdró dêi Kon Tum châ tê tơmeăm ki mê hên.

Gương tơplôu ƀă tơbleăng