Hơnăm kố, tâi tâng mâu tơdroăng pơkâ mơ’no liăn mơjiâng pro tơmeăm khoăng tơnêi têa ki kong pơlê Kon Tum hiăng châ tơnêi têa pơcháu tâk lối 2.100 rơtal liăn, tung mê, kơxo# liăn tung tơnêi têa ai lối 1.600 rơtal liăn [ă liăn dêi kong têa ê lối 500 rơtal liăn. Maluâ ti mê, riân troh tâi vâ chê mơ’nui khế 7 pơla hdrối kố nah, kong pơlê nếo ăm kuăn pơlê mung châ 30,82% tâi tâng kơxo# liăn.

Pôa Đặng Trần Huân, Kăn pơkuâ ngăn tíu xiâm ngăn ‘na têa krúa [ă pro mơgrúa tơnêi tíu kong pơlê Kon Tum, tíu ki hiăng pơkâ mơ’no liăn kum pêi pro 30 tơdroăng tơkêa bro lối 52 rơtal liăn, cho kơxo# liăn mung ing Hngêi rak liăn lâp plâi tơnêi kum têa ăm thôn pơlê, ối tung tơdroăng po rơdâ túa ki pro mơgrúa têa krúa á thôn pơlê ngăn tiô kơ tơdroăng mê ăm hlo, riân troh mơ’nui khế 7 khu kố xiâm ăm kuăn pơlê mung châ 8,5%. Tiô pôa Huân tối, ai 2 tơdroăng xiâm tơdjâk troh tơdroăng ki kal athế vâ pêi pro:

‘’Ki má môi, ối tơvâ troh tung mâu tơdroăng ki vâ chêl thiăn liăn ngân [ă mâu tơnêi tíu, malối, [ă mâu tíu ki hiăng mơjiâng tơmeăm khoăng. Pâ thế mâu tơring, cheăm kal ai tơdroăng tơkêa bro athế tơru\m [ă khu kăn pơkuâ vâ re\ng chêl thiăn liăn ngân [ă mâu tơnêi tíu ki mơjiâng pro kế tơmeăm a tơnêi tíu.

Ki má péa nếo, pâ thế mâu kơ koan ki pơkuâ tơdroăng cheăng kal athế tơru\m cheăng [ă khu ki rak ngăn liăn ngân vâ chêh pro hồ sơ,  vâ poi tá ai tơdroăng ki ‘mâi rơnêu hên hdroh’’.

Ai môi tơdroăng ki pá tung ‘mâi xe\n hngêi trăng tiô tơdroăng tơkêa bro troăng kân Hồ Chí Minh tơdjêp troh a troăng kân kơxo# 24

Ki păng ‘nâng ăm hlo, ai 24 tơdroăng tơkêa bro ai inâi tung tơdroăng ăm mung liăn hrá dêi kong pơlê Kon Tum ki hên mâu tơdroăng tơkêa bro mê pơrá trâm pá a tơdroăng ‘mâi xe\n mâu tơmeăm khoăng a tơnêi tíu. Ki nhên, môi tiah: Tơdroăng tơkêa bro troăng prôk ing troăng kân Hồ Chí Minh tơkâ luâ troăng kân kơxo# 24, xua Khu hnê mơhno kơxo# 98 pro pơkuâ xiâm [ă tâi tâng kơxo# liăn cho ing ph^u liăn dêi Chin phuh hơnăm 2020 ai lối 228 rơtal liăn, la xiâm ăm mung châ 16%; Tơdroăng tơkêa bro rơchôa têa Đăk Pokei hneăng má 1 xua Khu hnê mơhno tơdroăng mơjiâng pro ‘na chiâk deăng [ă mơnhông thôn pơlê pro pơkuâ xiâm hiăng ‘no liăn dêi kong pơlê a hơnăm 2020 lối 27 rơtal liăn, la xuân bu ăm mung châ 15,1%.

Thăm nếo 3 tơdroăng tơkêa bro mê cho xua Tíu xiâm mơnhông ‘na rak ngăn tơnêi tíu kong pơlê pro pơkuâ xiâm, tâi tâng kơxo# liăn ki kong pơlê ‘no kum ai 65 rơtal liăn la xuân tá hâi teăm ai mơ’no môi liăn ki lâi ôh.

Tơdrêng [ă tơdroăng ki xiâm ôi tơvâ tơvân a troăng ki vâ thế kuăn pơlê ‘mâi xe\n hngêi trăng, kơdrum deăng, kong pơlê Kon Tum xuân hiăng mơhno tối ki xiâm khoh chiâng hrá tơdroăng ăm muing liăn ngân, mâu tơdroăng ki ai tơdjâk dêi túa pơkâ pêi pro tơdroăng tơkêa bro tio pơkâ; [ă mâu tơdroăng tơkêa bro ODA xua ối tơdjâk pá ing túa ki vâ mơdrếo liăn; mâu kơxo# liăn ki ê ing Tíu xiâm tơnêi têa bu xiâm nếo pơcháu ăm kong pơlê.

Thâ re\ng mơjiâng pro troăng kân Hồ Chí Minh tíu tơkâ pơlê kong kơdrâm Kon Tum

Mơnhên tối tơdroăng ăm mung liăn vâ mơ’no pêi pro mâu tơmeăm khoăng xiâm cho hnoăng cheăng kal kí ki xiâm, ‘nâi hlê nhên ‘na xiâm kối, ki ối ‘ro, mê kong pơlê Kon Tum dế pơkâ thế mâu khu ‘no liăn mâu tơdroăng tơkêa bro 2 troăng hơlâ ki xiâm, mê cho athế re\ng tơleăng tơdroăng ‘mâi xe\n hngêi trăng, kơdrum deăng ki vâ xo tơnêi tíu, [ă thăm thâ pêi pro tơdrêng tung hnoăng cheăng chêh pro hlá mơ-éa.

Pôa Đàm Phúc Tuyên, Kăn pơkuâ ngăn tơdroăng tơkêa bro ‘no liăn mơjiâng pro troăng prôk a kong pơlê Kon Tum tối ăm ‘nâi:

‘’Ki má môi athế thăm rôe mâu kơmăi kơmok, kế tơmeăm, thăm pêi cheăng hên tâ. Klêi mê, pơcháu hnoăng cheăng tiô măng t^ng. Tơdrêng amê, Khu hnê mơhno tơdroăng tơkêa bro [ă mơ’no liăn cheăng kô séa mơnhên ngăn tro tiô tơdroăng. Tâng ôh, hlo a kơvâ ki lâi mê athế pêi pro dêi a hâi ki ê, [ă đi đo po hneăng hôp tơpui tơno tơdroăng ki mơjiâng tơmeăm khoăng rêm măng t^ng.

‘Na ăm mung liăn ngân, ki má môi ‘na tơnêi tíu athế re\ng châ xo vâ mơjiâng tơmeăm. Ki má péa, athế re\ng chêh pro klêi hồ sơ cheăng vâ mơjiâng, hồ sơ pơkuâ ngăn ki tơtro vâ khoh châ teăm ăm mung liăn ngân’’.

Khoa Điềm chêh

Nhat Lisa tơplôu [ă tơbleăng