VOV4.Sêdang - A kong pơlê Kon Tum, sap ing kơmăng lơ 10/10 troh kơxê lơ 11/10 ai kong mêi kân, têa a mâu têa kroăng tung kong pơlê. Drêng ai tơdroăng kố khu râ kăn pơkuâ kong pơlê dế thâ pêi pro mâu troăng vâ tơniăn châ chăn ăm kuăn pơlê tung kong mêi têa kân lân lu.

A kông Đăk Wét a troăng kân 677 kơpong pơla péa cheăm Đăk Long, Đăk Pxi tro têa lân lu trâu [a\ kông [ê-tong a thôn 10 tơkâ têa kroăng Đăk Pxi tro mơhiu tơhnâp, Vi [an tơring Đăk Hà hiăng hnê mơhno khu râ kăn pơkuâ péa cheăm tâp hdró tơbleăng, pơtroh khu cheăng gak ngăn péa pâ ôh tá ăm mơngế, rơxế prôk lăm tơkâ vâ tơniăn châ chăn ăm kuăn pơlê.

Têa kân lân lu a têa kroăng Đăk Bla kơpong prôk lăm a pơlê kong kơdrâm Kon Tum

Tơdroăng pơtroh khu cheăng gak ngăn, ôh tá ăm kuăn pơlê lăm tơkâ xuân dế châ khu râ kăn pơkuâ cheăm Đăk Tơ Lung, tơring Kon Rẫy pêi pro hdrối ai kong mêi têa kân lân lu pro tơhnâp kông vế ing troăng kân 677 tơkâ pơlê Kon Lung pro kông kố tơ’lêi kơtê kơxái meăm. A pơlê kong kơdrâm Kon Tum, têa kân lân lu a têa kroăng Đăk Bla đik kân hiăng pro lân lu hên hngêi pơtân dêi kuăn pơlê mơdâng a k^ng têa kroăng vâ pêi kâ, păn mơnăn mơnôa.

A Sa Ly tơplôu [a\ tơbleăng