Kon Tum tung kơdôu mơnhông hnoăng cheăng nếo – Hâi 2 lơ 08.09.2015

 VOV4.Sêdang - Ô vâi krâ nho\ng o [ă pú hmâ! Kong pơlê Kon Tum hiăng pêi pro tơkâ hluâ mâu tơdroăng pơkâ ‘na cheăng kâ rêh ối pơlê pơla Hneăng hôp kong pơlê Đảng [o# rôh má 14, hneăng hơnăm 2010-2015 ki mơ’no. Kố cho tơdroăng ki kal vâ Đảng [o# kong pơlê Kon Tum mơnhên tơdroăng pơkâ ki xiâm tung pơkuâ ngăn, thăm mơnhông tơdroăng cheăng kâ rêh ối dêi kong pơlê rế châ mơnhông tơtêk. Ngế chêh hlá tơbeăng cheăng tung Rơ’jiu Việt Nam a Tây Nguyên hiăng kơ-êng pôa Nguyễn Văn Hùng, kăn pơkuâ hnê ngăn Đảng kong pơlê Kon Tum ‘na mâu tơdroăng kố. Pó vâi krâ nho\ng o kô tơmâng.

Pôa Nguyễn Văn Hùng tiâ:

Hneăng hiăng hluâ, Đảng [o# kong pơlê hiăng pơkuâ cheăng pêi châ tơ-[rê: tơdroăng cheăng kâ đi đo pơtối mơnhông mơdêk [ă kơlo tâk 14% tung hơnăm, tơdroăng cheăng kâ hơ’lêh tro tiô troăng hơlâ pơkâ. Tơdroăng cheăng [ă kơmăi kơmok sap 24% tung hơnăm 2010 tâk 275, tê mơdró sap 34% tâk troh 38%. ‘Na kring tơniăn pơlê pơla rế châ tơniăn. Ivá pơkuâ, ivá tơplâ dêi mâu khu tơru\m cheăng Đảng [ă đảng viên châ mơnhông mơdêk. Ki pêi ai pơxúa dêi hnoăng cheăng mâu kăn châ hlo nhên khât. Tơdroăng ki tơru\m pơla mâu hdroâng kuăn ngo châ mơnhông mơdêk [ă krá tơniăn. 

Êng: Mê, kong pơlê Kon Tum hiăng hlo mơnhông mơdêk ‘na cheăng kâ-rêh ối, mơhé xuân ối trâm hên xahpá pơloăng mơnúa, pôa búa tối mâu tơdroăng ki xahpá mê?

Pôa Nguyễn Văn Hùng tiâ:

Ngin ‘nâi nhên ối ai tơdroăng ki xahpá, pơloăng mơnúa, tơnêi tơníu dêi kong pơlê Kon Tum rơdâ, tơnêi tro klâ xing xoăng hên, tung pơla mê mâu tíu pêi cheăng, tơmeăm khoăng, troăng prôk hâi teăm ai, mơhé ai la ôh tá le\m. Kố cho tơdroăng ki pá kân má môi tung mơjiâng pro, tê mơdró xuân môi tiah tung rak ngăn dêi kơvâ cheăng kal kí. ‘Na kơxo# pơ’leăng mâ mơngế, kuăn pơlê rêh ối utâi utá, iâ mơngế ki pêi cheăng, iâ mơngế ki rơkê. Kố xuân cho môi tung mâu tơdroăng ki pá vâ kơbông krếo tơ’mot mâu tơdroăng tơkêa [ă khu ‘no liăn mơjiâng pro tơmeăm khoăng tung kong pơlê, [ă kal ngế pêi cheăng, kal hên ngế ki rơkê pêi cheăng. {ă tơnêi tíu dêi môi kong pơlê kơpong Tây Nguyên a 3 hơlâ troăng tíu tơkăng kong, hên tơdroăng ki ôh tá tơniăn a tíu tơkăng kong. Pak^ng mê, mâu tơdroăng môi tiah: Hyôh kong prâi hơ’lêh, tơmeăm khoăng kong kế rế pá ai, kong prâi ôh tá tơniăn, khía mơhot kân têa lân lu, kong tô mơdrăng xuân cho mâu tơdroăng ki kân pơkâ dêi kong pơlê Kon Tum tung la ngiâ:

Êng: Ô pôa, hneăng la ngiâ ki lâi cho ki xiâm, tơ-[rê ki Đảng [o# kong pơlê pơkâ vâ khu kăn pơkuâ tơdjâ mơnhông kong pơlê xông tơtêk?

Pôa  Nguyễn Văn Hùng tiâ:  Vâ pêi pro tiô mâu tơdroăng pơkâ mê ngin mơ’no mâu hnoăng cheăng ki tơ-[rê, ki kal dêi hneăng la ngiâ mâu tơdroăng tiah a kơ’nâi kố: Má môi, mơhnhôk i pơxúa mâu tơdroăng cheăng, tơku\m ‘no liăn mơjiâng pro tơmeăm khoăng kih thuât le\m tơdâng tơ’mô [ă le\m tiô túa nếo, vâ pôi tá pá tung tơdroăng mơnhông mơdêk. Má péa nếo, ngin rơtế [ă mâu khu xiâm, kơvâ cheăm tơku\m ‘no pêi mâu tơdroăng kân, rơchoâ kân vâ bê têa tôh báu loăng plâi mơnhông ‘na pêi chiâk deăng, [ă pơtối mê ‘no liăn hnhâng pro klêi troăng kơxái on tơhrik vâ tơniăn a mơ’nui hneăng tâi tâng kuăn pơlê châ xúa on tơhrik. Pak^ng mê, tơku\m ‘no liăn mơjiâng pro tơmeăm khoăng xúa tung rêh ối pơlê pơla mâu kơvâ cheăng, hnê hriâm, rak ngăn ivá, mơ’no tung rơ’jiu um tivi; ‘no liăn mơjiâng pro tơmeăm khoăng kơmăi kơmok vâ tơniăn ‘na tơdroăng mơnhông cheăng kâ rêh ối. Tung tơdroăng ‘no liăn cheăng, ngin pêi ahdrối, pêi choâ ‘na mơjiâng tơmeăm khoăng tung kơpho# vâ pro xiâm ki mơnhông mơdêk, rơtế [ă tơdroăng ‘no liăn cheăng tơru\m [ă tơnêi têa [ă kuăn pơlê rơtế pêi, vâ pê klêi mâu tơmeăm khoăng tung thôn, tơniăn pêi tro tiô tơdroăng pơkâ mơjiâng thôn pơlê rêh ối cheăng kâ tiô túa nếo. Tung ‘no liăn cheăng, ngin pêi ahdrối cho mâu kơpong cheăng kâ xiâm dêi kong pơlê. A kơpong cheăng kâ xiâm, pơlê kong kơdrâm Kon Tum cho tíu xiâm cheăng kâ, rêh ối dêi kong pơlê kô tơku\m ‘no liăn vâ mơnhông mơdêk mâu kơpho# nếo, mâu kơpong hngêi kơmăi kơmok, ‘mâi rơnêu pro le\m kơpho#. {ă môi hnoăng cheăng ki kal, vâ tơniăn ‘na tơdroăng pêi pro tro tiô pơkâ hneăng hôp kân ai pơkâ mê cho: ôh tá la lâi pơtê mơjiâng tơdroăng kal kí tung tâi tâng đảng [o# vâ kâi pêi tâi tâng mâu tơdroăng cheăng tung rơxông nếo, tung mê, kal mơdêk ivá pơkuâ, ivá tơplâ dêi mâu khu tơru\m cheăng Đảng [ă đảng viên. Ngin loi tơngah khât tiah kố, Đảng [o# [ă kuăn pơlê kong pơlê Kon Tum kô mơ-eăm hnê tối pê klêi tơdroăng pơkâ ki Hneăng hôp kân má 15 dêi Đảng [o# kong pơlê Kon Tum ngin hiăng pơkâ.

Êng: Hôm, mơnê êh pôa.

Gương tơplôu [ă tơbleăng