VOV4.Sêdang - Rôh kong mê kân, mê ton tung lâp lu tung mâu hâi hdrối kố nah hiăng tơ’nhiê hên kế tơmeăm a tơring Krông Nô, kong pơlê Dak Nông. Khu kăn pơkuâ tơring dế tối tơbleăng to\ng kum kuăn pơlê ‘mâi mơnhông kế tơmeăm klêi kơ’nâi kong mê têa kân, tơniăn tung rêh ối. Ki nhên gá, tung mâu hâi sap ing hâi lơ 1 troh lơ 5/10, kong mê kân tung lâp lu hiăng chiâng ai têa lân lu, tơhnah tơhnâp tơnêi a hên kơpong a tơring Krông Nô.

Kong mê kân pro hên kông kuăn pơlê prôk lăm a Krông Nô tro tơ’nhiê

Lâp tơring ai 40 toăng hngêi tro têa lu; lối 500 ha [ăng tơnêi pêt mâu hdrê loăng tro têa lân; vâ chê 60 ha long păn ká tro têa mơhiu, chiâng tro lu\p hên. 3 to kông kuăn pơlê prôk lăm a péa to cheăm Dak Sôr, Nam Đà tro têa mơhiu, hên troăng prôk tro tơhnah tơhnâp.

Vi [an hnê ngăn tơring Krông Nô riân ăm ‘nâi, tâi tâng ki lu\p xua kong mê têa lân lu vâ chê 50 rơtal liăn. Ki hdrối tâ, tơring pơkâ thế, mơhnhôk kuăn pơlê vâ kum ‘mâi xe\n kuăn pơlê lo ing mâu kơpong ki mơni kô tơ’lêi tơhnah tơhnâp, kum kuăn pơlê ‘mâi mơnhông kế tơmeăm klêi kong mê têa kân lân lu, tơniăn tung rêh ối; ‘mâi mơnhông mâu tơdroăng ki tơnêi tơhnah tơhnâp.

Katarina Nga tơplôu [ă tơbleăng