VOV4.Xơ Đăng - Tung mâu hâi hdrối kố nah, tung kong pơlê Dak Lak hiăng ai kong mêi kân, têa lân lu mâu tơring MDrak, Ea Kar, Krông Bông, Krông Năng. Tiô kơxô̆ riân ngăn la hâi teăm tŭm rôh kong mêi drêng kố hiăng pro hrĭng ha prá alâi, tơnêi klôh păn ká xi xŏng hiăng tro lŭp, hên troăng prôk a mâu tơrĭm MDrăk, Krông Bông, Krông Năng tơ’nhiê. Krê tơring MDrak kong mêi kân têa rơlêa pro môi ngế hlâ, môi ngế hía.

Tơbleăng hdrối ki rơ-iô a troăng kân tro têa lu a tơring Ea Kar, kong pơlê Dak Lak

Nôkố mâu kăn tơring cheăm dế tơkŭm pêi tơdroăng cheăng vâ tơkâ luâ xơpá xua kong prâi pro. Tiô tối hdrối kong mêi kô ối mêi kân, pá vâ ‘nâi hdrối, xua mê Vi ƀan kong pơlê Dak Lak pâ thế mâu kong pơlê ƀă kuăn pơlê tung kong pơlê pơtối tơbleăng mâu troăng rơhlâ hbrâ ví kơdroh kong prâi pro ôh tá tơniăn.