To lâi hơnăm hiăng luâ, hngêi trăng dêi rơpo\ng ngoh Rơmah {ôn, pơlê Sơn, cheăm Ia Nan đi đo hlo ai ‘’kơdrum lôi chúa, hngêi ôh tá ai ki klâi’’, ôh tá ai kơnâng, ôh tá ai hngêi mơdrah, klôh ok sok xuân ôh tá ai. Châ Mô đo#i ko\ng ti 72 mơhnhôk [a\ pơtối to\ng kum pơtroh mơngế pêi veăng kum pêi [a\ tơmeăm khoăng ki kal, ngoh {ôn nếo kêi mơjiâng pro mâu tơmeăm kố.

Tơdrêng amê, châ mô đo#i mơhnhôk, mê ngoh {ôn hiăng veăng po văng nhâ rơtâ tá hngêi [a\ troăng prôk lăm. Hngêi trăng dêi ngoh {ôn tối phá xêh, kơpong kuăn pơlê rêh ối a pơlê Sơn tối tơdjuôm môi tiah xâp ếo nếo, tu\m tơdroăng kêi đeăng tâi tâng, krúa le\m.

Krê rơpo\ng ngoh {ôn, ối tung rơpo\ng kơtiê xua mê ối châ diâp ăm tơ’nôm môi to ro hdrê vâ re\ng hluăn ing kơtiê, ngoh {ôn tâ sôk ro:

‘’Mơnê Khu kăn pơkuâ Ko\ng ti 72 hiăng tơmâng ăm pơlê Sơn. Ko\ng ti rah pơlê Sơn vâ mơjiâng thôn pơlê nếo. Kơnôm ko\ng ti mơ’no liăn mê krúa le\m troăng pơlê, mâu tơmeăm ki ê môi tiah hngêi mơdrah, klôh ôk sok há. Klêi mê ko\ng ti ối to\ng kum ro hdrê vâ tah kơklêa, kơdroh kơtiê, vâ kuăn pơlê mơnhông mơdêk’’.

Pơlê Sơn, cheăm Ia Nan, tơring Đức Cơ châ kong pơlê Gia Lai rah tíu pơlê vâi krâ hdroâng kuăn ngo vâ mơjiâng thôn pơlê nếo hơnăm 2018. Tung roh to\ng kum kố, ko\ng ti 72 tơtro\ng tung hnoăng po văng krúa le\m kong prâi, hơ’lêh ngiâ méa pơlê. Ko\ng ti hiăng mơhnhôk vâ chê 500 roh ngế kăn [o#, mơngế pêi cheăng veăng rơpâu hâi pêi cheăng rơtế kuăn pơlê rơnêu, po văng nhâ drô troăng pơlê, kơtâu, chiâ klôh vâ ok sok ăm mâu rơpo\ng kuăn pơlê.

Pak^ng mê, kăn [o# ko\ng ti thăm ối pơtâng tối, mơhnhôk kum vâi krâ kuăn pơlê hơ’lêh ‘’tung tơdroăng tơmiât, troăng pêi’’, pêi pro tơdroăng rêh ối rơkê tiô khoa hok. Krâ pơlê Siu Bình, pơlê Sơn, tối ăm ‘nâi, Ko\ng ti 72 hiăng [a\ dế cho khu ki ai hnoăng kal khât tung mơdêk cheăng kâ, hơ’lêh tơdroăng rêh ối dêi pơlê. Hên ngế tung pơlê kơnôm pro ko\ng nhân tung ko\ng ti mê hiăng hluăn ing kơtiê. Nôkố châ ko\ng ti to\ng kum mơjiâng thôn pơlê nếo, kuăn pơlê sôk ro ‘nâng:

‘’Ko\ng ti 72 hiăng hên xôh tơmâng to\ng kum mơjiâng thôn pơlê nếo, pơlê ngin sôk ro ‘nâng, hngêi trăng, troăng klông, kong kế tung pơlê nôkố le\m ‘nâng, krúa le\m tâ há, mơnhông tơtêk tâ hdrối nah. Vâi krâ xuân hlê ple\ng hên tâ há, lâp pơlê mơnê ko\ng ti, mơnê mâu ngoh mô đo#i hiăng kum kuăn pơlê tung pơlê’’.

Mâu hơnăm achê pơla kố, Ko\ng ti xuân trâm hên pá puât tung pêi chiâk deăng, tê mơdró. Yă chhá kơxu chu rơpâ hiăng tơdjâk kân troh tơdroăng rêh ối dêi kăn [o#, ko\ng nhân viên, mơngế pêi cheăng ko\ng ti. Laga, tơdroăng to\ng kum mâu pơlê cheăm mơjiâng thôn pơlê nếo, cheăng lêng kring vế, gak ngăn a pơlê cheăm a tíu ko\ng ti pro đông lêng cho tơdroăng xiâm châ ko\ng ti tơmâng pêi pro khât păng ‘nâng.

Tơdroăng kố hiăng thăm pro tơru\m pơla khu lêng kuăn pơlê, kum kuăn pơlê hmiân tuăn pêi chiâk deăng, ru\m môi tuăn [a\ dêi pó, mơjiâng kơpong tíu tơkăng kong rế hía rế krá tơniăn, mơnhông tơtêk./.

Công Bắc chêh

A Sa Ly tơplôu [a\ tơbleăng