VOV4. Xơ Đăng - Kơxo lơ 24/11, a Hà Nội, Hneăng hôp mơhno túa lĕm tro lâp tơnêi têa po rơdâ pêi pro Pơkâ hneăng hôp kăn teăng mâ lâp tơnêi têa roh má 13 dêi Đảng kô tơkŭm po ing pơkuâ dêi pôa Nguyễn Phú Trọng, Kăn xiâm hnê ngăn Đảng. Klêi kơ’nâi 75 hơnăm Hneăng hôp Mơhno túa lĕm tro lâp tơnêi têa roh má môi (24/11/1946) châ tơkŭm po, Hneăng hôp mơhno túa lĕm tro lâp tơnêi têa hơnăm 2021 ai pơxúa kal khât, vâ mơnhông tơdroăng pói vâ dêi tâi tâng hdroâng mơngế vâ mot a môi rơxông nếo, tơkŭm mơnhông mơdêk rĕng ƀă krá tơniăn tơnêi têa.

Hneăng hôp kô mơdoh chôuphut mơnhên tơdroăng châ tơƀrê pêi pro pơkâ Hneăng hôp kăn teăng mâ lâp tơnêi têa má XII dêi Đảng ‘na tơdroăng mơhno túa lĕm tro, hơdruê xuâng ƀă hía hé; ing mê môi tuăn troăng pêi la ngiâ, hnoăng cheăng xiâm tung tơdroăng mơhno túa lĕm tro, hơdruê xuâng tung hneăng hơnăm 2021 – 2026, tơmiât pêi troh hơnăm 2045. Ƀă pói tơngah mâu tơdroăng châ tơƀrê klêi kơ’nâi hneăng hôp kô chiâng môi tơdroăng ki mơnhông tơdroăng pói vâ mơnhông mơdêk tơnêi têa mơnhông mơdêk tŭm têk, hơniâp lĕm; mơnhông tuăn ki mơ-eăm ƀă ivá ó rơdêi rŭm môi tuăn tâi tâng hdroâng mơngế, tơrŭm ƀă ivá rơxông nếo.

A Sa Ly tơplôu ƀă tơbleăng