VOV4.Xơ Đăng - Mâu hâi hdrối kố nah, pơlê kong kơdrâm Ƀuôn Ma Thuột, kong pơlê Dak Lak pơtối ‘nâi hên ngế tâ COVID-19, ki rơhêng vâ tối, kơxô̆ mơngế ki châ ‘nâi tung kuăn pơlê châ vâ chê tơdế tung tâi tâng kơxô̆ ngế ki tâ. Kơdroh ăm kơpong klâ ối krê tơkŭm ƀă mâu Hngêi pơkeăng ki pơlât ăm mâu ngế tâ COVID-19, pơlê kong kơdrâm Ƀuôn Ma Thuột hiăng klâ ối krê F1 a hngêi ƀă dế hbrâ mâu túa pơkâ pơlât F0 a hngêi.

Pơlê kong kơdrâm Ƀuôn Ma Thuột dế klâ krê F1 a hngêi

Bu riân sap ing apoăng khế 11 troh nôkố, pơlê kong kơdrâm Ƀuôn Ma Thuột hiăng ai 500 ngế tâ COVID-19, tung mê ai 200 ngế châ ‘nâi tung kuăn pơlê. Tung hâi lơ 8/11 pơlê kong kơdrâm Ƀuôn Ma Thuột ‘nâi kơxô̆ ngế tâ hên ƀă kơxô̆ ngế tâ ai 123 ngế, tung mê ai 81 ngế tâ tung kuăn pơlê, mơdêk kơxô̆ ngế tâ COVID-19 a pơlê kong kơdrâm Ƀuôn Ma Thuột hiăng pơkâ pơkâ Túa pêi pro klâ ối krê a hngêi ƀă mâu F1 dế pêi pro klâ ối krê a hngêi.

Tung hâi lơ 8/11, riân ngăn tơdjuôm lâp kong pơlê Dak Lak ai 287 ngế tâ COVID-19, tung mê ai 125 ngế tâ tung kuăn pơlê. Kố cho hâi ki ai kơxô̆ mơngế tâ hên má môi sap ing hdrối nah troh nôkố.

Katarina Nga tơplôu ƀă tơbleăng