VOV4.Sêdang - Klêi kơ’nâi 15 hâi veăng a leh pơxiâm mot hơnăm hriâm nếo ‘no tơdrêng ing um tơvi ƀă hriâm tơdrêng ing troăng hyôh Internet a hngêi vâ hbrâ mơdât pơreăng COVID-19, kơxo lơ 20/9, lối 164 rơpâu ngế hok tro rêm râ hriâm dêi kong pơlê Kon Tum troh hngêi trung pơxiâm rôh hriâm tơkŭm ki apoăng dêi hơnăm hriâm nếo 2021 – 2022.

Séa ngăn ki tô ăm hok tro hâi ki apoăng troh a hngêi trung râ má phôh thong Lê Lợi, pơlê kong kơdrâm Kon Tum

Rôh hriâm tơkŭm apoăng dêi hok tro lâm 1, hngêi trung ra má 1 Thực hành Sư phạm Ngụy Như Kon Tum, pơlê kong kơdrâm Kon Tum

Troh nôkố, maluâ xuân hiăng ai 27 ngế yương tĭnh ƀă SARS-CoV-2, la Kon Tum cho kong pơlê ki má môi a kơpong Tây Nguyên tá hâi ai ngế ki tâ tung pơlê pơla. A kơxo má ki apoăng hok tro troh hngêi trung hriâm tơkŭm, Khu pơkuâ hngêi trung 373 hngêi trung hriâm a Kon Tum hiăng pêi pro kơtăng hnoăng cheăng hbrâ mơdât pơreăng COVID-19. Tâi tâng hok tro xuân môi tiah mâu thái cô pơrá châ séa ngăn ki tô ƀă truâ kên pâng môh rơkong tung pơla hnê hriâm a hngêi trung.

Katarina Nga tơplôu ƀă tơbleăng