VOV4.Xơ Đăng - Pôa Vương Đình Huệ, Kăn xiâm hnê ngăn Kuô̆k hô̆i a kơxo lơ 10/11 hiăng pơkuâ rôh kơ-êng ƀă tiâ mâu tơdroăng apoăng ƀă khu tơdroăng ‘na khăm pơlât. Tơdroăng tối tơbleăng kơ-êng, pôa Vương Đình Huệ, Kăn xiâm hnê  ngăn Kuô̆k hô̆i tối nhên: tơdroăng kơ-êng ôh tá xê tơ’lêi hlâu cho môi tơdroăng pro ăm hlo ƀă mâ tơdroăng séa ngăn, mơdêk hnoăng cheăng pêi tối nhên, malối ối a ko ki pơkuâ hnê. kố cho môi rôh vâ tơrŭm tung pêi pro tŏng kum séa ngăn, xuân môi tiah pêi pro hnoăng cheăng mơjiâng luât ƀă pơkâ mâu tơdroăng ki kal dêi tơnêi têa.

Kơ êng pôa Nguyễn Thanh Long, Ngế xiâm ngăn pơkeăng pơlât, hên mâu kăn ai tối, mâu tơdroăng kơ-êng ‘na pro tơniăn xiâm ki vâ tối ăm ‘nâi ƀă rak ngăn yă ki khăm ngăn COVID-19, pơkeăng pơlât, hbrâ tơmeăm xúa tung khăm pơlât, tơmeăm ki khăm ngăn vâ ‘nâi. Tơdroăng “pro oh tá tro yă khăm ngăn vâ ’nâi hôm tâ COVID-19” xuân dế hên ngế kơ-êng vâ ‘nâi plĕng a hngeăng hôp Kuô̆k hô̆i.

Pôa Nguyễn Thanh Long, Ngế xiâm ngăn ‘na pơkeăng ƀă khăm pơlât tối: yă tâi tâng mâu tơmeăm xúa tung khăm pơlât, mâu tơmeăm ki pêi ngăn kơnôm to a liăn xiâm  pro mâu tơmeăm, a rôh ki rôe. Pakĭng mê, hlo hnoăng dêi kơvâ ngăn pơkeăng thế pôu râng dêi tơbleăng pơkâ kơtăng, séa ngăn ƀă tơdroăng ‘na yă khăm ngăn tung la ngiâ. Hên mâu kăn pâ thế mơnhên séa ngăn, thế khu xiâm ngăn pơkeăng mơnhên tí tăng ngăn, ai khu xiâm ngăn pơkeăng séa ngăn vâ pôi tá ăm ai tơdroăng ki ôh tá tro tung mâu hơnăm hdrối.

Pôa Vương Đình Huệ, Kăn xiâm hnê ngăn Kuô̆k hô̆i pâ thế; Hơnăm 2022 tơkŭm séa ngăn, riân ngăn nhên tơdroăng mơhnhôk tăng, rak ngăn xúa kơxô̆ liăn hbrâ mơdât pơreăng, mơdât tơdroăng ki ‘mêi, kipro pơxúa xêh ăm khu.

Gương tơplôu ƀă tơbleăng