VOV4.Xơ Đăng - Kơxo kố, lơ 8/11, Hneăng hôp roh má 2, Kuô̆k hô̆i (hneăng má 15) pơxiâm roh hôp má 2, hôp tơkŭm a Hngêi Kuô̆k hô̆i (sap ing hâi kố lơ 8/11 troh lơ 13/11. Ki tơtrŏng má môi, Kuô̆k hô̆i mơdoh 2 hâi apoăng vâ tơpui ‘na cheăng kâ – rêh ối pơlê pơla ƀă liăn ngân tơnêi têa. Kuô̆k hô̆i xuân mơdoh 2 hâi apoăng vâ tơpui tơno ‘na cheăng kâ – rêh ối pơlê pơla ƀă liăn ngân tơnêi têa. Kuô̆k hô̆i xuân hiăng mơdoh 2 hâi tơdế vâ tơkŭm kơ-êng ƀă tiâ rơkong kơ-êng.

Hneăng hôp Kuô̆k hô̆i hneăng má XV

Ngế pro xiâm hnê ngăn tơnêi têa ƀă 4 Ngế xiâm hiăng tơkŭm po tiâ rơkong kơ-êng mê cho: pôa Nguyễn Thanh Long, Ngế xiâm pơkuâ ngăn pơkeăng ƀă khăm pơlât; Đào Ngọc Dung, Ngế xiâm pơkuâ cheăng pêi Mô đô̆i rong râ ƀă rêh ối pơlê pơla; pôa Nguyễn Chí Dũng, Ngế xiâm pơkuâ ‘na pơkâ troăng pêi ƀă mơ’no liăn cheăng ƀă pôa Nguyễn Kim Sơn, Ngế xiâm pơkuâ hnê hriâm ƀă hnê mơjiâng tuăn ngôa rơkê. Klêi kơ’nâi 4 Ngế xiâm tơkŭm po roh kơ-êng, Ngế pro xiâm hnê ngăn Chin phuh kô tơbleăng Kuô̆k hô̆i ƀă tiâ rơkong mâu tơdroăng mâu kăn rơhêng vâ ‘nâi plĕng.

A Sa Ly tơplôu ƀă tơbleăng