VOV4.Xơ Đăng - Pơtối dêi Hneăng hôp má 2, Kuô̆k hô̆i hneăng má 15, kơxo lơ 8/11, Kuô̆k hô̆i hôp tơkŭm a Hngêi hôp Kuô̆k hô̆i, tơpui tơno ‘na klêi kơ’nâi pêi pro túa pơkâ mơnhông mơdêk cheăng kâ rêh ối pơlê pơla hơnăm 2021; tiô túa pơkâ mơnhông mơdêk cheăng kâ rêh ối pơlê pơla hơnăm 2022; tối tơbleăng ‘na hnoăng cheăng hbrâ mơdât pơreăng COVID-19 ƀă tơdroăng pêi pro tơdroăng pơkâ kơxô̆ 30 ‘na Hneăng hôp má môi, Kuô̆k hô̆i Hneăng má 15.

Ăm rơkong tơpui tối tung tơdroăng klêi kơ’nâi pêi pro túa mơnhông mơdêk cheăng kâ rêh ối pơlê pơla hơnăm 2021, ki hên mâu kăn pơrá tối, ‘no liăn cheăng tơdjuôm cho môi tung mâu ivá ki kal má môi vâ mơdêk cheăng kâ. Hên mâu kăn tối tiah kố, vâ ‘mâi mơnhông cheăng kâ tung tơdroăng ki hơ’lêh nếo, kal tơmâng ngăn troh khu troăng hơlâ tŏng kum khu mơdró kâ tơkâ luâ xơpá, tơniăn cheăng kâ.

‘Na tơdroăng pêi pro liăn ngân tơnêi têa hơnăm 2021, liăn ngân tơnêi têa, túa pơkâ xoăng liăn tơnêi têa hơnăm 2022, mâu kăn tối nhên: tung pơla kố athế pêi pro kơdĭng, pêi pro krá tơniăn ‘na luât, pơkâ nhên ‘na liăn ngân, rak ngăn tơniăn ‘na nâp, hrê liăn tơnêi têa.

Katarina Nga tơplôu ƀă tơbleăng