VOV4.Sêdang - Tiô tơdroăng hneăng hôp, kơxo lơ 28/10, Kuô̆k hô̆i tơpui tơno mơ’no tơdrêng tung um tiô troăng măng internet ‘na tơdroăng tơkêa bro Luât tơ’noăng, kheăn kơdeăn (‘mâi rơnêu). Hên kăn teăng mâ kheăn kơdeăn, tơdroăng tơkêa bro luât ai hên troăng ki nếo, ‘mâi rơnêu mâu tơdroăng ki ối tơvâ tơvân, tá hâi tro tung tơdroăng tơ’noăng, kheăn kơdeăn nôkố, tung mê tơtrŏng kheăn kơdeăn mâu khu pú hên kŭn a tíu cheăng, ăm mâu ngế ki pêi cheăng tơdrêng, ‘mâi rơnêu tung tơ’noăng tung pơla kố nah.

Hên mâu kăn tối, tơdroăng tơkêa bro luât ai chiâng ‘mâi rơnêu rơdâ, tơdjâk troh mâu khu râ, mâu kơvâ, ing tơnêi têa troh cheăm pơlê, tung mê tơtrŏng kheăn kơdeăn mâu khu pú hên kŭn a tíu pêi cheăng, ăm mâu ngế pêi cheăng tơdrêng, ‘mâi rơnêu mâu tơdroăng tung tơ’noăng tung pơla kố nah.

Môi tung mâu tơdroăng xiâm tung tơdroăng tơkêa bro luât châ hên mâu kăn môi tuăn mê cho tơ’nôm troăng kheăn kơdeăn Medái droh rơtăm djâ troăng ahdrối ƀlêi trâng.

A Sa Ly tơplôu ƀă tơbleăng