VOV4.Sêdang - Pơtối rôh hôp má 5, Kuo#k ho#i hneăng má 14, kơxo lơ 24/5, mâu kăn tơpui tơno a hngêi hôp kân ‘na mâu tơdroăng ki xiâm ki ối ai mâu rơkong tơpui tối phá tơ-ê dêi pó dêi kơxop hlá mơéa Luât pơsăm tối ki ‘mâi rơnêu. Kơxop hlá mơéa Luât pơsăm tối ki ‘mâi rơnêu pơtroh ăm Kuo#k ho#i tối tơbleăng a rôh hôp rôh kố ai 9 chương, 68 tơdroăng.

Kơxop hlá mơéa Luât hiăng châ séa ngăn [ă ăm rơkong veăng tơpui tối a rôh hôp má 4, klêi mê, pơtối châ tơpui tơno, ăm rơkong veăng tơpui tối a Rôh hôp má 21 dêi Vi [an pơkuâ Kuo#k ho#i. Ai mâu tơdroăng ki ối tơpui tối phá tơ-ê dêi pó dêi kơxop hlá mơéa Luât pơtối ối châ thế rơkong veăng tơpui tối dêi khu kăn Kuo#k ho#i, mê cho: Tơdroăng ki pơsăm tối, Tơdroăng ki tơ-[rê dêi tơdroăng pơsăm tối; Tơdroăng pơkâ tơvêh dêi rơkong pơsăm tối; Khu râ pơkâ tơleăng tơdroăng ki pơsăm tối ki má mơ’nui; Rak vế ngế ki pơsăm tối [ă mâu tơdroăng pêi pro ki ê.

{ă tơdroăng ki pơsăm tối, nôkố ối ai rơkong tơpui tối, pơkâ thế bu pơkâ 2 tơdroăng ki pơsăm tối môi tiah Luât pơkâ cho pơsăm tối tiô hlá đơn [ă pơsăm tối tơdrêng hlối.

Laga, ai mâu rơkong ối tơpui tối xuân pâ thế, po rơdâ túa pơkâ pơsăm tối vâ tơtro [ă tơdroăng ki mơnhông mơdêk dêi pơlê pơla, tơdrêng a mê hnối tơmâng xo mâu túa ki pơsăm tối ki hiăng châ pơkâ tung mâu luât ki ê.

Katarina Nga tơplôu [ă tơbleăng