VOV4.Sêdang - Kơxo hâi lơ 8/10, Lâm Đồng pơtối mơnhên ai tơ’nôm 30 ngế ngế tro tâ pơreăng COVID-19, tung mê ai 25 ngế tro tơdjâk tâ tú pơreăng a pơlê pêt reăng Vạn Thành, bêng 5, pơlê kong kơdrâm Đà Lạt. Dế nôkố, Khu hnê mơhno ‘na hbrâ tơplâ mơdât pơreăng kong pơlê Lâm Đồng hiăng hnê thế Tíu xiâm mơdât pơreăng ƀă tơdroăng châi tamo dêi kong pơlê Lâm Đồng ƀă mâu tíu ki ai tơdjâk troh kal athế rĕng lăm seá ngăn, tí tăng mơngế ki tro pơreăng, mơngế ki ối achê mơngế tâ pơreăng, hdró kơpong ai mơngế tâ pơreăng, ăm ối klâ kơtăn hơngế, tôe xo têa môh vâ mơnhên ngăn pơreăng.

Khu hbrâ tơplâ mơdât pơreăng dế pơkâ thế pơlê pêt reăng Vạn Thành ôh tá lo pá gong

Pakĭng kơpong ki tâ pơreăng a pơlê pêt reăng Vạn Thành, kơvâ ngăn ‘na pơkeăng dêi kong pơlê Lâm Đồng hiăng châ hlo ai tơ’nôm 5 ngế tâ pơreăng COVID-19 ki nếo, tung mê cho ai 2 ngế cho on veăng dêi ngế vê rơxế tung kong pơlê, 2 ngế nếo prếo ing Pơlê kong kân Hồ Chí Minh ƀă ngế ki ê cho prếo ing kong pơlê Bình Dương. Tiah mê, riân troh a kơxo hâi lơ 8/10, Lâm Đồng hiăng vêh mơnhên ai 322 ngế tro tâ pơreăng COVID-19, tung mê, ai 264 ngế hiăng châ pơlât prêi ƀă lo ing hngêi pơkeăng. Dế nôkố, kong pơlê Lâm Đồng dế ăm klâ ôí krê ai 5 rơpâu 821 ngế, tung mê, ai 95 ngế dế pơlât, 3 rơpâu 180 ngế ăm klâ ối tung tíu ki kơdrâm mơngế ƀă 2 rơpâu 646 ngế ăm klâ ôí krê xêh a hngêi.

Gương tơplôu ƀă tơbleăng