VOV4.Xơ Đăng - Hâi lơ 24/11, Lâm Đồng hiăng pêi kêi đeăng tơdroăng pâk vaccine hbrâ mơdât COVID-19 ăm hok tro a 38 hngêi trung râ má pái phôh thong ƀă tíu hnê cheăng pêi a 5 tơring, pơlê kong kơdrâm. Kố cho môi tung mâu troăng vâ kong pơlê rĕng djâ tâi tâng mâu hok tro vêh hriâm a hngêi trung tơdrêng. Pơtối mê, hok tro sap ing 16 troh 18 hơnăm a mâu pơlê ai pơreăng COVID-19, mê cho pơlê kong kơdrâm Đà Lạt ƀă mâu tơring Đức Trọng, Lâm Hà, Đơn Dương ƀă Lạc Dương châ kơjo pâk roh kố, ƀă tâi tâng lối 21.300 kung kếo.

Lâm Đồng ƀeăn ƀĕng djâ hok tro vêh a hngêi trung hriâm

Kố cho môi tung mâu tơdroăng mơ-eăm vâ kơvâ hnê hriâm kong pơlê Lâm Đồng pêi pro kâi trâng tơniăn, ƀeăn ƀĕng, tơniăn tơdroăng hbrâ mơdât pơreăng COVID-19, mơdêk kơxô̆ hok tro vêh hriâm a hngêi trung tơdrêng klêi kơ’nâi môi pơla ton hriâm online.

A Sa Ly tơplôu ƀă tơbleăng