VOV4.Xơ Đăng - Hâi lơ 8/11, Lâm Đồng pơtối ai hên ngế tâ pơreăng COVID-19 a 7 tơring, pơlê kong kơdrâm tung kong pơlê. Mâu kăn cheăm, tơring, kong pơlê tối thế pơtê ‘nôi mâu tơdroăng cheăng tê mơdró vâ hbrâ mơdât pơreăng. Tung kơxô̆ 20 ngế tâ tú COVID-19 ki nếo a Lâm Đồng, ki hên cho tâ ing mâu ngế ki lo ing Pơlê kong kân Hồ Chí Minh, Bình Dương ƀă Long An. Tung mê, ai 8 ngế tung kuăn pơlê, 1 ngế cho kơdrâi ki vế rơxế chiân tơmeăm hên tíu tung kong pơlê.

Lâm Đồng mơdêk tăng khăm ngăn vâ ‘nâi ngế lâi tơdjâk tâ ki pro tâ tú tung kuăn pơlê

Nôkố mâu khu râ pơkuâ cheăng kong pơlê Lâm Đồng dế thâ tăng mâu ngế achê ngế tâ tú, mâu ngế ki tơdjâk ngê ki nếo tâ tú. Tơdrêng amê, Lâm Đồng xuân tơkŭm séa ngăn tăng mâu ngế tơdjâk 52 tíu pro chiâng tâ tú ki ê, ki hên a Đà Lạt, Đức Trọng, Di Linh ƀă pơlê kong krâm Bảo Lộc.  Riân tung 3 măng tĭng hdrối, Lâm Đồng ai 305 ngế tâ tú, pro kơxô̆ mơngê tâ tú tung lâp kong pơlê tâk 708 ngế.

Hlo ti mê kong pơlê pơkâ thế pơtê pơtân ‘nôi hên tơdroăng cheăng vâ hbrâ mơdât pơreăng. Riân troh nôkố, Lâm Đồng ai 708 ngế tâ tú, tung mê 3 ngế hlâ 454 ngế châ pơlât prêi ƀă lo ing hngêi pơkeăng.

Gương tơplôu ƀă tơbleăng