VOV4.Sedang - Môi tiah [ă tơdroăng pơkâ dêi tơnêi têa ‘na mơjiâng thôn pơlê rêh ối cheăng kâ tiô túa nếo, tơdroăng Pêi chiâk pêi deăng xúa kơmăi kơmok chal nếo nốkố pơtối châ mâu tơring cheăm dêi kong pơlê Lâm Đồng tơmâng ngăn khât. Troh nốkố, lâp kong pơlê ai lối 43 rơpâu ha pêi xúa kơmăi kơmok tiô chal nếo nốkố, châ vâ chê 16% tơnêi ki pêt tơmeăm khoăng. Tung mê, kơchâi châ lối 12 rơpâu 600 ha, prá alâi châ lối 2 rơpâu 400 ha, loăng plâi lối 105 ha, hdrê chế lối 5 rơpâu 800 ha. Ho\ng tơdroăng kố hiăng kum mơdêk ki kơnía tung pêi cheăng kâ tung môi [ă tơnêi, mơdêk ki kơnía ‘na pêi cheăng kâ dêi Lâm Đồng tâk troh 130 rơtuh liăn tung môi ha, mơeăm troh tâi hơnăm 2015 châ 135 rơtuh liăn tung môi ha.

Katarina Nga tơplôu [ă tơbleăng