Hdrối nah, rơpo\ng jâ Nềm A Mùi pêt kơphế, la xua hdrê hiăng krâ, tơnêi ôh ta le\m mê ôh tá ai plâi kơtốu hên, tơdroăng cheăng kâ ôh tá tơtêk. Sap ing hơnăm 2012, jâ hbrâ rơnáu poê dêi xiâm loăng kơphế, pêt mâu hdrê ki nếo ai plâi kơtốu hên môi tiah Thiện Trường [ă Trường Sơn, tơdrêng amê hnối pêt tơvât mâu hdrê loăng plâi kâ môi tiah sầu riêng kong têa Siam, măng cụt [ă [ơr.

Jâ Nềm A Mùi ăm ‘nâi, ‘’Tung apoăng, drêng á rah xo mâu hdrê loăng plâi kâ pêt tơvât tung kơdrum kơphế, hên ngế ta hâi loi tơngah mê vâi ối nhôm ‘na túa pêi dêi á kố. Tung pơla mê, hên ngế a kong pơlê ‘no dêi liăn ko ‘nhiê dêi loăng kơphế pêt chế ô long [ă thế á pêi tiô vâi. La á xuân ối rah xo tua pêi krê dêi tơná á vâ mơnhông mơdêk cheăng kâ’’.

Ká tung rơchoâ dêi rơpo\ng jâ Mùi châ troh 15 kg môi to

Klêi kơ’nâi pơkle\p mâu hdrê ki nếo, ki dâi le\m dêi kơphế rơpo\ng hngêi jâ châ lối 20 ta#n/hơnăm. Klêi kơ’nâi vâ chê 7 hơnăm pêt tơvât vâ loăng kơphế, sầu riêng pơklêp kong têa Siam hiăng châ krí xo vâ chê 10 ta#n/hơnăm. Mâu hdrê loăng plâi kâ ki ê môi tiah măng cụt, [ơr xuân hiăng châ krí xo.

Vâ mâu hdrê pêt dâi le\m, pak^ng tơdroăng ki hơ’lêh mâu hdrê ki nếo, jâ Mùi ối roê tơ’nôm êak í, êak ro mơ-u\m vâ rơvât ăm loăng. Kơnôm ing rak ngăn tro kih thuât, kơdrum kơphế [ă loăng plâi kâ đi đo plâi kơtốu hên, dâi le\m. Tung pơla po nhâ, rơvât phon [ă krí plâi, jâ đi đo séa ngăn, hnê mơhno ăm mâu ngế pêi cheăng mung pêi pro tro kih thuât. Kơnôm mê, ki dâi le\m dêi mâu hdrê loăng plâi [ơr hlo tâk rêm hơnăm.

Pêi lo liăn tơniăn, jâ Nềm A Mùi hiăng ‘no liăn gu 5 to rơchoâ păn ká, [ă [ăng tơnêi lối 1 rơpâu met karê vâ tăng liăn tơ’nôm. Jâ rah kơ’nêi hên hdrê ká môi tiah ká trắm cỏ, ká mè, ká mơdâu, hmâng [ă rô phi. Rêm hơnăm, rơpo\ng jâ châ xo sap ing 8 – 10 ta#n tu\m túa hdrê ká, châ lối hr^ng rơtuh liăn.

Vâ pêi pro châ tiô tơdroăng ki rơhêng vâ dêi tơdroăng cheăng rêm hâi, jâ Nềm athế mung tơ’nôm 4 ngế pêi cheăng. Jâ tơmiât, [ă tâi tâng mâu kơxo# liăn pêi lo ing pêt kế tơmeăm, păn mơnăn mơnoâ, rơpo\ng ối châ liăn tơkâ dâng 1 rơtal liăn rêm hơnăm. Riân ta kơxo# liăn pêi lo ing tơdroăng ki pro kế tơmeăm [ă loăng, rêm hơnăm rơpo\ng ối châ ‘măn kơd^ng dâng 1,5 rơtal liăn. ‘’Tối tơdjuôm, kơnôm ing kơdrum loăng pêt [ă păn ká hiăng kum rơpo\ng mơ-eăm pro kro mơdro\ng. Ing mê, ai tơ’nôm liăn vâ ăm kuăn ‘ne\ng hriâm ta troh tui lui’’, jâ Nềm A Mùi tối tiah mê.

Tiô pôa Nguyễn Xuân Hải, kăn hnê ngăn kuăn pơlê ki pêi chiâk deăng bêng 2, pơlê kong kơdrâm Bảo Lộc, cho hdroâng kuăn ngo la jâ Nềm A Mùi [e\ng [eăn tung tơdroăng ki vâ pro kro mơdro\ng. ‘’Tơdroăng ki kơhnâ, chiu pá, khên tơmiât, khên pêi cho tơdroăng ki kal kum jâ tơ-[rê tung pêi chiâk deăng. Ôh ti xê to pro kro mơdro\ng ăm to dêi tơná jâ [ă rơpo\ng hngêi, jâ Nềm A Mùi ối kơhnâ khât tung tối tơbleăng túa ki pro kro mơdro\ng ăm vâi krâ nho\ng o, tơdrêng amê hnối to\ng kum liăn ngân ăm rơpo\ng kơtiê mơnhông mơdêk cheăng kâ veăng kum mơjiâng Khu pêi chiâk deăng krá rơdêi, kơhnâ veăng tung mâu tơdroăng ki to\ng kum kế tơmeăm tung kong pơlê [ă mâu kong pơlê ki ê-Pôa Nguyễn Xuân Hải tối nhên tiah mê.

Khánh Phúc chêh

Katarina Nga tơplôu [ă tơbleăng