VOV4.Sêdang - Vâ rak tơniăn ăm tơdroăng ki prôk lăm, pro tiô tơdroăng ki rơhêng vâ pơto kế tơmeăm dêi kuăn pơlê, Vi[an hnê ngăn kong pơlê Lâm Đồng nếo pơkâ ‘no liăn mơjiâng pro, teăng ăm 9 to kông vế dế hiăng tơ’nhiê, rơ-iô, [ă tâi tâng kơxo# liăn ‘no cheăng tâk troh 46 rơtal 600 rơtuh liăn. Kong pơlê Lâm Đồng ai tâi tâng 42 to kông vế ối tung tơdroăng tơkêa ‘no liăn cheăng ki mơjiâng pro teăng, ‘mâi rơnêu. 9 to kông vế châ kơjo ‘no liăn cheăng rôh kố ối tung mâu tơring Dam Rông, Di Linh, Bảo Lâm, Dà Huoai [ă pơlê kong kơdrâm Bảo Lộc dế ối tung tơdroăng ki hiăng tơ’nhiê ó, mơni kô tơhnâp, ôh tá tơniăn ăm tơdroăng ki prôk lăm mê kal châ ‘no liăn mơjiâng pro teăng ăm kông ki hiăng tơ’nhiê tung hơnăm kố. Tiô pôa Đoàn Văn Việt, kăn hnê ngăn Vi[an kong pơlê Lâm Đồng tối, xua pá ‘na kơxo# liăn mê Tơnêi têa bu ‘no kơxo# liăn ki mơjiâng pro kông vế, ôh tá xing xoăng kơxo# liăn chêl thie#n, xo tơnêi ki mơhnhôk kuăn pơlê veăng pleăng tơnêi.

Katarina Nga tơblôu [a\ tơbleăng