VOV4.Sedang - Sap ing hâi lơ 13 troh hâi lơ 15 khế 10, Hneăng hôp Đảng [o# kong pơlê Lâm Đồng kô tơku\m po hneăng hôp khu kăn kong pơlê rôh má 10, hneăng hơnăm 2015-2020. Hvái ngăn klêi kơ’nâi pơkuâ pêi pro tung mơnhông mơdêk cheăng kâ rêh ối a hneăng hơnăm hiăng hluâ, xuân môi tiah pơkâ troăng hơlâ, hnoăng cheăng la ngiâ ki kal tung hơnăm la ngiâ vâ ăm kong pơlê Lâm Đồng pơtối mơnhông mơdêk [ă xông krá tơniăn. Quang Sáng, ngế chêh hlá tơbeăng cheăng tung Rơ’jiu Việt Nam a Tây Nguyên hiăng ai rôh tơpui tơno [ă pôa Nguyễn Xuân Tiến, kăn cheăng tung tíu xiâm Đảng, kăn pơkuâ ngăn Đảng kong pơlê Lâm Đồng ‘na mâu tơdroăng ki xiâm kố.

Ô poâ, pâ phêp pôa tối ‘na mâu tơdroăng ki hiăng châ tơ-[rê, ki kong pơlê hiăng pêi rơhéa klêi kơ’nâi 5 hơnăm pro tiô tơdroăng pơkâ hneăng hôp khu kăn Đảng [o# kong pơlê roh má 9, hneăng hơnăm 2010 – 2015?

            Nguyễn Xuân Tiến: Klêi kơ’nâi 5 hơnăm pro tiô tơdroăng pơkâ hneăng hôp Đảng [o# kong pơlê roh má 9, mê kuăn pơlê mâu hdroâng kuăn ngo kong pơlê Lâm Đồng mơ-eăm [a\ châ tơ-[rê hên khât. Mê cho: cheăng kâ pơtối mơnhông mơdêk, tơdroăng cheăng kâ rế hía rế kân [a\ châ tơ-[rê, tơdroăng cheăng kâ hơ’lêh tơtro. Ki rơhêng vâ tối cho kơvâ pêi chiâk deăng hiăng mơnhông mơdêk rơdêi, pêi chiâk deăng xúa kơmăi kơmok rơxông nếo hiăng kum pêi chiâk deăng dêi kong pơlê Lâm Đồng pêi lo liăn hên, nôkố pêi lo liăn tung môi hectar châ dâng 145 rơtuh liăn. Tơdroăng mơjiâng thôn pơlê nếo châ kuăn pơlê môi tuăn pêi pro. Xua mê troh nôkố, kong pơlê ngin ai tơring Đơn Dương [a\ 43 cheăm châ tơ-[rê tiô pơkâ ‘na mơjiâng thôn pơlê nếo. Kơvâ tê mơdró ôm hyô dế mơnhông tơtêk ‘ló troăng, nôkố rêm hơnăm ngin tơdah dâng 5 rơtuh roh tơmối. Hngêi trăng troăng klông, tơdroăng cheăng kâ mơnhông tơtêk – troăng kân, long rơchoâ hno têa, kơchô tê mơdró tơniăn le\m. Mâu kơvâ mơhno mơjiâng túa le\m tro – rêh ối pơlê pơla, ki rơhêng vâ tối cho hnê hriêm – hnê mơhno, ngăn pơkeăng, khăm pơlât ivá kuăn pơlê hiăng châ tơ-[rê hên. Kum tung tơdroăng rêh ối pơlê pơla tơniăn, tơdroăng rêh ối dêi kuăn pơlê choâ ‘lâng mơnhông tơtêk, kơxo# rơpo\ng kơtiê chu kơdroh u ối dâng pá kơdâm 2% rơpo\ng kơtiê, tung kơpong hdroâng kuăn ngo bu u ối dâng pá kơdâm 6%. Tơdroăng gâk kring pơlê pơla châ tơniăn le\m, tơniăn tung mơjiâng Đảng đi đo châ tơmâng pêi pro, ivá pơkuâ [a\ pêi cheăng đi đo mơnhông tơtêk, châ tơ-[rê tung pơkuâ tơnêi têa dêi mâu khu râ kăn pơkuâ, mê châ hơ’lêh tơ-[rê khât.

            Ô pôa, tiah mê tung hneăng cheăng la ngiâ, mê kong pơlê Lâm Đồng trâm pá, pơloăng mơnúa ki lâi tung pro tiô tơdroăng mơnhông mơdêk cheăng kâ – rêh ối pơlê pơla dêi kong pơlê?

            Nguyễn Xuân Tiến: Cho môi kong pơlê kơpong Tây Nguyên ai kơdrâm kuăn pơlê hdroâng kuăn ngo, drêng pơxiâm mơnhông nah kong pơlê Lâm Đồng ôh tá tơ’mô [a\ mâu kong pơlê ki ê, tơdrêng amê [a\ môi pơkâ mot tơru\m cheăng mơnhông mơdêk, mê kố cho mâu tơdroăng pơloăng mơnúa kân vâ mơnhông tơtêk [a\ tơdroăng hlê ple\ng dêi kuăn pơlê. Ngin kal tơleăng hên mâu tơdroăng tơru\m cheăng, ki rơhêng vâ tối tơru\m vâ mơnhông mơdêk, thăm mơdêk tơdroăng rêh ối dêi kuăn pơlê [a\ rak vế kong prâi, kong kế, xuân môi tiah rak vế [a\ mơnhông pêt kong; ‘na pêi lo liăn rêm pơ’leăng mâ mơngế xuân môi tiah tơdroăng rêh ối a kơpong hơngế hơngo, kơpong hdroâng kuăn ngo [a\ mâu kơpong kơchơ tê mơdró; tơdroăng rak tơniăn tơdroăng kal kí, rêh ối pơlê pơla, tơtrâ mơdât khu ki ‘mêi ti tăng ‘nhiê tơnêi têa, tơtrâ mơdât khu ‘mêi ki to tăng ‘nhiê tơdroăng tơru\m môi tuăn pơla hdroâng kuăn ngo [a\ hía hé, xua mê, kố cho mâu pơloăng mơnúa kân ki đảng [o# [a\ khu kăn pơkuâ kal tơkâ hluâ.

            Ô pôa, tiah mê tung hneăng cheăng la ngiâ, ki lâi cho troăng prôk ki xiâm, mơnhông tơtêk ki Đảng [o# kong pơlê mơnhên vâ pơkuâ pêi pro, pro tơdroăng cheăng kâ dêi kong pơlê châ mơnhông mơdêk krá tơniăn [a\ tơniăn tơdroăng rêh ối pơlê pơla?

            Nguyễn Xuân Tiến: Vâ pơtối pro tơdroăng pơkâ kum kong pơlê Lâm Đông mơnhông mơdêk re\ng [a\ krá tơniăn, mơjiâng kong pơlê Lâm Đồng kro mơdro\ng [a\ rơkê, mê ngin kal hên túa [a\ mâu troăng pơkâ cheăng, tung mê, tiô á tơku\m mâu tơdroăng xiâm, môi tiah: má môi cho pơtối pêi pro mâu tơdroăng tơkêa pro hơ’lêh tơdroăng cheăng kâ, ing kế tơmeăm khoăng ki tơ’lêi hiăng ai dêi pơlê [a\ tơdroăng hơ’lêh túa mơnhông tơtêk. Tơdroăng má péa cho kal thăm mơ’no liăn cheăng vâ mơnhông mơdêk, mơjiâng hngêi trăng troăng klông, cheăng kâ – rêh ối pơlê pơla, ki xiâm xuân cho troăng klông, long rơchoâ hno têa [a\ kơchơ tê mơdró. Tơdroăng má pái ngin kal thăm hnê mơjiâng mâu ngế pêi cheăng rơkê. Má pu\n cho kal tơku\m mơjiâng Đảng, mơjiâng tơdroăng kal kí, xiâm kối cho ivá pơkuâ hnê mơhno, ivá pêi cheăng dêi khu cheăng Đảng, mơjiâng khu râ kăn mâu khu râ cho pêi cheăng ối achê [a\ kuăn pơlê [a\ ru\m [a\ kuăn pơlê, pơtối mơnhông hnoăng cheăng dêi măt tra#n tơnêi têa [a\ mâu khu cheăng, kuăn pơlê pơkuâ dêi hnoăng cheăng [a\ châ môi tuăn tung pơlê pơla. {a\ má pơtăm cho kal pơtối thăm pâ nhoa#m tơnêi têa, pơtối mâu tơdroăng mâu tơdroăng ki hiăng châ tơ-[rê, mơhnhôk mâu ngế pêi cheăng tung kuăn pơlê, mơhnhôk ivá tung kuăn pơlê vâ mơ-eăm mơjiâng môi kong pơlê Lâm Đồng kro mơdro\ng [a\ rơkê, rơtế [a\ kong pơlê tung lâp tơnêi têa pêi pro tơdroăng pơkâ cho xua kuăn pơlê kro mơdro\ng, tơnêi têa ó rơdêi, kuăn pơlê pơkuâ dêi hnoăng cheăng, tơdâng tơ’mô [a\ rơkê.

            Mơnê hên kơ pôa.

A Sa Ly tơplôu [ă tơbleăng