VOV4.Xơ Đăng - Kơxo lơ 8/12, hiăng po rôh hôp má 4, Hô̆i đong kong pơlê Lâm Đồng hneăng 10, hneăng hơnăm 2021-2026. A rôh kơ-êng ƀă tiâ, mâu tơdroăng kơ-êng ki tơdjâk troh mâu tơdroăng u ối, ki pá puât, tơvâ tơvân tung rak ngăn dêi tơnêi têa ‘na tơnêi kong, tơnêi  tơníu, tơniăn tung mơjiâng tơmeăm khoăng, ‘na tơmeăm khoăng nhâ loăng tơnêi têa ƀă hyôh kong prâi...

Lâm Đồng: pơtối ai klâ xoăng ƀăng tơnêi, tê tơnêi pêi chiâk

Kăn Hô̆i đong kong pơlê Lâm Đồng hiăng tơmâng khât troh tơdroăng xoăng ƀăng tơnêi, tê tơnêi ƀă mơjiâng mâu tơdroăng tơkêa bro tíu ăm kuăn pơlê ối “ki ôh tá ai khât’’ hiăng hlo a tơring  Bảo  Lâm ƀă pơlê kong krâm Bảo Lộc. Tơdroăng ki vâ tối, tơdroăng kố hiăng hlo ai tung hên hơnăm hdrối, la troh nôkố xuân kâi châ kong pơlê tơleăng mơnhên klêi.

Tối mơnhên a rôh kơ êng, pôa Trần Văn Hiệp, kăn hnê ngăn Vi ƀan kong pơlê Lâm Đồng tối, kong pơlê hiăng pơkâ hên hlá mơ-éa hnê mơhno mâu tíu pêi cheăng tơdjâk troh tơdroăng séa ngăn, pơxâu phak la tơdroăng mê xuân hâi kâi hlo pơ’lêh. Ôh tá xê ti mê, nôkố tơdroăng xing xoăng ƀăng tơnêi, klâ tơnêi, tê tiô tơdroăng mơjiâng tơdroăng tơkêa pro ki  “ôh tá ai khât’’  xuân pơtối ối hlo lâp lu a mâu cheăm tơring ki ê.

Gương tơplôu ƀă tơbleăng