Cheăm Dă Rsar, tơring Dam Rong cho moi tung mâu to cheăm ki ối tung kơpong hngế hngo má môi dêi kong pơlê Lâm Đồng, kơtăn ing pơlê kong kơdrâm Đà Lạt dang 100km. Tơnêi tíu to ngo ngối, troăng prôk xơpá, hên tíu môi tiah on tơhrik tơnêi têa, troăng ki tối tơbleăng tơdroăng kal, rơ’jiu, um tơvi [ă hên ki ê pơrá athế kơnôm to ing pơlê Dak Lak. Hơnăm 2019, drêng châ rah xo pro cheăm ki xiâm ‘na mơjiâng thôn pơlê nếo, Dă Rsar bu nếo pêi klêi 3 tơdroăng pơkâ, kơxo# rơpo\ng kơtiê vâ chê 34%, pêi lo liăn rêm ngế kuăn pơlê bu châ lối 8 rơtuh liăn.

Pêi ro tơdroăng tơdjuôm ivá mơjiâng thôn pơlê nếo, a thôn Pang Pế Đơng, kuăn pơlê  hiăng ‘nhiê dêi kơphế, ‘nhiê dêi kơnâng pleăng tơnêi pro hngêi trung, pro troăng prôk. Maluâ ối xơpá, la drêng châ mơhnhôk ngoh Bon Krông Y K’Nai, thôn Pang Pế Đơng hiăng pleăng lối 1 rơpâu met karê tơnêi vâ pro hngêi trung mầm non.

‘’Hlo mâu vâi muăn lăm hriâm xơpá, kuăn ‘ne#ng pin ôh tá ai tíu hriâm mê kăn pơkuâ thôn [ă Vi [an hnê ngăn cheăm troh mơhnhôk pleăng tơnêi. Á hlo sôk ro xua hiăng pro tơ’lêi hlâu ăm mâu kuăn ‘ne#ng châ hriâm’’.

Tơdroăng sôk ro dêi cô yăo [ă hok tro hngêi trung mầm non Pang Pế Đơng

Pôa Bon Krông Y Boong, kăn pơkuâ ngăn chi [o# thôn Pang Pế Đơng ăm ‘nâi, hdrối nah, troh a rơnó mê, hên troăng tung thôn trâm hliâk, prôk lăm tơpá mê nôkố hiăng châ ok [ê tong. Hiăng châ môi tiah mê, pak^ng tơdroăng to\ng kum kế tơmeăm xi mong, hmốu, prêi dêi tơnêi têa, vâi krâ nho\ng o hbrâ rơnáu pleăng tơnêi [ă kơhnâ veăng ‘no hâi pêi cheăng .

‘’Apoăng tá hâi ai tơdroăng pơkâ thôn pơlê nếo, tơdroăng rêh ối dêi vâi krâ nho\ng o prôk lăm tơpá khât. Nôkố vâi krâ nho\ng o sôk ro khât drêng lăm pêi cheăng, pơto chơ kế tơmeăm. Mâu kuăn ‘ne#ng lăm hriâm hâk, kơhnâ tâ’’.

Klêi kơ’nâi châ ok [ê tong, hên troăng a cheăm Dă Rsar, tơring Dam Rong hiăng châ Đoân droh rơtăm pêi pro tơdroăng ‘’Krâ pul on bâ eăng a troăng pơlê’’. Pêi pro túa pơkâ kố, vâ chê 300 rơpo\ng a thôn Liên Hương hiăng veăng kum lối 100 rơtuh liăn vâ krâ ‘măn pul on ăm bâ eăng [ă nâp liăn on tơhrik rêm khế. Pôa Võ Xuân Lộc, kăn pơkuâ thôn Liên Hương ăm ‘nâi, troăng kố ôh ti xê kum tơdroăng ki prôk lăm tơ’lêi hlâu a kong măng, pro chiâng tơdroăng ki sôk ro mê ối veăng kum rak vế gâk kring tơniăn.

‘’Nôkố, hiăng ai troăng le\m, on tơhrik bâ eăng kuăn pơlê xuân hlo sôk ro. Rế rak tơniăn tơdroăng gâk kring pơlê pơla a tơring, cheăm. Troh rơnó krí kơphế, rơxế prôk lăm tơ’lêi hlâu, kơdroh iâ tơdroăng ki tơkla#m. ‘Na mơhno túa le\m tro tơdroăng rêh ối hơniâp ro tâ, kuăn pơlê prôk lăm hlê ple\ng tâ há’’.

Mâu troăng prôk a cheăm Dă Rsar hiăng châ ok [ê tong sap ing tơdroăng tơ’noăng mơjiâng thôn pơlê nếo

Tiô Vi [an hnê ngăn cheăm Dă Rsar, tơring Dam Rong, kong pơlê Lâm Đồng, tâi tâng kơxo#  ‘no mơjiâng thôn pơlê nếo a cheăm tung mâu hơnăm hiăng luâ ai 232 rơtal liăn, tung mê kuăn pơlê veăng kum vâ chê 5 rơtal liăn [ă 4.600 hâi pêi cheăng. Ing mê, hiăng ai lối 45km troăng châ tôh kơxu, ok [ê tong xi mong. Hên túa pơkâ pêi chiâk deăng ăm pêi lo liăn hên lối hr^ng rơtuh rêm hơnăm, tơdroăng rêh ối dêi kuăn pơlê hlo hơ’lêh khât.

Sap ing 34% rơpo\ng kơtiê, nôkố bu ối 5%, pêi lo liăn rêm ngế tâk 4 hdroh tâng pơchông [ă 10 hơnăm hdrối nah. Pôa Thái Viết Phước, kăn hnê ngăn Vi [an cheăm Dă Srar tối rơdêi, châ [lêi tung mơjiâng thôn pơlê nếo, pak^ng ivá mơeăm dêi khu kăn pơkuâ đảng, khu kăn pơkua, veăng kum dêi kuăn pơlê ai pơxúa ăm tơdroăng pơkâ kố.

‘’Cheăm cho cheăm kơtiê, vâ pêi pro thôn pơlê nếo trâm hên xơpá. Laga, [ă tơdroăng ki tối tơbleăng mơhnhôk [ă môi tutăn dêi kuăn pơlê hiăng pêi klêi thôn pơlê nếo. Malối, ai hên rơpo\ng maluâ xơpá la xuân ối pleăng tơnêi, ko tah mâu hdrê loăng, veăng nâp liăn vâ pro troăng thôn pơlê nếo. Mê cho ivá mơeăm dêi khu kăn pơkuâ tơring, cheăm tung tơdroăng tối tơbleăng mơhnhôk [ă tuăn hiâm rơkê ple\ng dêi kuăn pơlê tung tơdroăng ki môi tuăn [ă cheăm vâ mơjiâng thôn pơlê nếo tiô túa nếo tung la ngiâ’’.

Tuấn Anh chêh

Katarina Nga tơplôu [ă tơbleăng